Mədəniyyət

YAY Qalereyası gənc rəssam Mouk-un (Əli İsrafilov) “Asta-asta” adlı yeni fərdi sərgisini təqdim edib - FOTO

3 Noyabr 2025 20:29

Baxış: 381

VTB-də yüksək depozit faizleri daha çox qazandırır

YAY Qalereyası gənc rəssam Mouk-un (Əli İsrafilov) "Asta-asta" adlı yeni fərdi sərgisini təqdim edib. Açılışda paralel proqram çərçivəsində yerli rok qrupu "DədəBaba"xüsusi olaraq bu axşam üçün hələ yayımlanmamış albomlarından seçilmiş əsərləri canlı şəkildə ifa edib. Sərgi açılışında sənətin müxtəlif sahələrindən gələn ziyarətçilər, kolleksiyaçılar və sənət həvəskarlar iştirak edib.

Sərgi, rəssamın YARAT Müasir İncəsənət Məkanında iki aylıq rezidentura proqramı çərçivəsində yaratdığı ən son əsərlərini təqdim edir. Burada nuar ruhlu personajların yaşadığı, yarı unudulmuş motelə bənzər dünya üzə çıxır. Bu fiqurlar eyni anda həm bir-birinə bağlı, həm də yalqızdılar: hər biri özünəməxsus rituallarını icra edir, təkrarlanan hərəkətlər və vərdiş halına çevrilmiş jestlərlə tənhalığın ritmini yaradır. Biz obyektlər vasitəsilə insanlarla üzləşir, insanlar vasitəsilə isə obyektləri yenidən kəşf edirik. Tanış məkanlarda şəxsi rituallar, arzular və sosial münasibətləri araşdıran bu əsərlər vasitəsilə rəssam zamanı, düşüncəni və mövcudluğu yenidən mənalandırır.

Kurator: Zəhra Məmmədova

Sərgi 29 mart 2026-cı ilədək davam edəcək.

İş rejimi: Çərşənbə axşamı - bazar günü, 12:00-20:00

Ünvan: Kiçik Qala küç., 5, Bakı

Giriş ödənişsizdir.