Kulinariya

40 illik aşpaz sirri: Qırmızı ət bu üsulla bişəndə pambıq kimi yumşaq olur

3 Noyabr 2025 19:33

Baxış: 960

VTB-də yüksək depozit faizleri daha çox qazandırır

#KULİNARİYA

Çoxları qırmızı ətin bişərkən sərtləşməsindən şikayətlənir.

Milli.Az xəbər verir ki, 40 illik təcrübəyə malik aşpazlar ətin həm dadını, həm də yumşaqlığını qorumağın sirrini paylaşıb.

Soda ilə marinadlama

Peşəkar aşpazların ən çox istifadə etdiyi üsullardan biri sodalı marinaddır. Qazlı su və ya sodalı su ətin liflərini boşaldaraq onu daha yumşaq edir. Ət bu qarışımda soyuducuda 1-2 saat saxlanıldıqda pambıq kimi yumşalır. Ancaq 2 saatdan çox gözlədilməməlidir, əks halda ətin quruluşu pozula bilər.

Süd və qatıqla yumşaltma

Süd və qatığın tərkibindəki laktik turşu ətin liflərini təbii şəkildə parçalayır. Əti qatıqla örtüb və ya süddə 3-4 saat saxlamaq, bişirildikdə onun qurumasının qarşısını alır və ət daha dadlı olur. Bu üsul xüsusilə soba və manqal yeməkləri üçün uyğundur.

Sirkə və limon suyunun turş gücü

Marinad sousuna az miqdarda sirkə və ya limon suyu əlavə etmək ətin daha tez bişməsini təmin edir. Lakin çox əlavə etmək ətin dadını poza bilər. Ustalar bir porsiyaya 1 çay qaşığından artıq sirkə və ya limon suyu tökməməyi məsləhət görür.

Kivi və ananasla ferment üsulu

Kivi və ananasın tərkibindəki təbii fermentlər - aktinidin və bromelain, ətin sərt liflərini qısa zamanda yumşaldır. Ətin üzərinə rəndələnmiş kivi və ya ananas çəkib 30-40 dəqiqə saxlamaq kifayətdir. Amma bu müddəti aşmaq olmaz, əks halda ət dağılacaq.

Lalə Qüdrətova
Milli.Az