Cəmiyyət

Kamil Lətifov yeni vəzifəyə təyin olundu

3 Fevral 2026 18:52
Baxış: 1 161
VTB-də minimal faiz dərəcəsi ilə nağd kredit 9.9%-dən
#BANKLAR

BOKT "İnternational" ASC-nin İdarə Heyətinə yeni üzv seçilib.

Milli.Az xəbər verir ki, səhmdarların Ümumi Yığıncağının qərarı ilə Kamil Lətifov Fuad oğlu İdarə Heyətinə üzv seçilib.

K.Lətifov 2008-ci ildən bank sektorunda çalışır. Karyerasına "Bank of Baku " ASC-də başlamışdır, 2016-cı ildən "Kapital Bank" ASC-də "şöbə rəisi" kimi çalışmışdır.

2021-ci ildən "Premium Bank" ASC-də Komplayens departamentinin direktoru kimi çalışmağa başlayıb. 2023-cü ilin əvvəlindən fəaliyyətini İdarə Heyətinin üzvü - sədr müavini (Baş risk inzibatçısı), 2024-cü ildə İdarə Heyətinin Sədri vəzifəsinə təyin edilib. 2025-ci ilin noyabrında "Premum Bank"dan ayrılıb.

O, Türkiyənin "Boğaziçi" Universitetində MBA dərəcəsinə yiyələnib. Həmçinin Azərbaycan Dövlət İqtisad Universitetində (UNEC) bakalavr və magistr təhsili alıb. Hazırda "iqtisad elmləri üzrə fəlsəfə doktoru" elmi dərəcəsi üzrə təhsilini davam etdirir.

Kamil Lətifov bir çox beynəlxalq elmi məqalələrin müəllifidir və beynəlxalq sertifikatlara malikdir.

Xatırladaq ki, BOKT "İnternational" ASC 2013-cü ildə dövlət qeydiyyatına alınıb, nizamnamə kapitalı 8 milyon manatdır. Cəmiyyətin səhmlərinin 100%-i Həsənov Rifat Vaqif oğluna məxsusdur. O həmçinin Müşahidə Şurasının sədri kimi şuranın işini təşkil edir, iclasları çağırır və qəbul edilən qərarları imzalayır. İdarə Heyətinin sədri isə Nicat Həsənov Vaqif oğludur. (Banker.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.