Şou-biznes

"Əgər həmin vaxt bu baş versəydi, özümə qəsd edərdim"

3 Fevral 2026 23:25

Baxış: 2 367

VTB-də minimal faiz dərəcəsi ilə nağd kredit 9.9%-dən

#MÜĞƏNNİ

"Motivasiyam yoxdur. Bir qəşəng iş çıxardırsan, görürsən nə dinləyicisi, nə baxışı var. Kimsə durub mənşəyi bilinməyən mahnı oxuyur və milyon baxış yığır. Eyni problem hamıda yaşanır. O qədər işlərim var. Amma qalıb".

Milli.Az xəbər verir ki, bu sözləri Axşam.az-a açıqlamasında müğənni İlhamə Qasımova deyib. Sənətçi son günlər səhnədən uzaqlaşmasının səbəbini açıqlayıb. O, bildirib ki, keyfiyyətli işə dəyər verilməməsi onu ruhdan salır.

Uzun müddət Amerikada yaşayan İlhamə Bakıya qayıtmasından söz açıb. O, bildirib ki, atasının vəfatından sonra depressiyaya düşüb:

"Depressiyada idim, yavaş-yavaş özümü düzəldirəm. Atamın vəfatından sonra səhnə, heç nə mənə maraqlı deyildi. Nə yaxşı Amerikadan qayıtdım. Kaş tez qayıdardım. Amerikadan qayıtdım və atamla 2 il vaxt keçirtdim. Əgər mən burada olmadan bu baş versəydi, özümə qəsd edərdim. Mən valideynimə qarşı həssasam. Atam mənim dostum olub. İndi yeri çox görünür.

Orada yaşaya bilməzdim. Bir şeydən tez bezirəm. Orada artıq hər gün eyni yerləri görməkdən bezmişdim. Eyni küçələrə nifrət edirdim".

Xeyli çəki atan İlhamə "Səhhətimlə bağlı yeyib-içdiyimə fikir verirəm. 8 kiloqram arıqlamışam" sözlərini əlavə edib.

Milli.Az