Nə radiator, nə də kondisioner: Evinizə bunu qoyun, həmişə isti olacaq

Qış aylarının gəlməsi ilə birlikdə qaz və elektrik xərclərinin artması, bir çox ailəni alternativ isinmə üsulları axtarmağa vadar edib.

Milli.Az xəbər verir ki, mütəxəssislərə görə, evinizi isti saxlamağın yolu nə radiator, nə də kondisionerdən keçir. Bu üsul həm təbii, həm də sərfəlidir.

Elmi araşdırmalar göstərib ki, bəzi ev bitkiləri yalnız bəzək məqsədli deyil, həm də təbii istilik izolyasiyası yaradır.

Məsələn, Aloe Vera, Paşa Qılıncı (Sansevieria) və Kauçuk bitkisi kimi növlər yerləşdikləri mühitin rütubət və istilik balansını qoruyaraq istilik itkisini azaldır.

Mütəxəssislərin sözlərinə görə, bu bitkilər yarpaqları vasitəsilə su buxarı buraxaraq havanı nəmləndirir və istiliyin daha uzun müddət evdə qalmasını təmin edir.
Beləliklə, isitmə cihazları daha aşağı rejimdə işləsə belə, evin temperaturu qorunur.

NASA tərəfindən aparılan təcrübələr də bu fikri təsdiqləyib: bəzi ev bitkiləri həm havanı təmizləyir, həm də temperatur dəyişikliklərini tarazlaşdırır.

Bu bitkilər havadakı zərərli hissəcikləri filtrdən keçirərək otaqlarda sabit bir istilik səviyyəsi yaradır.

Nəticədə enerji sərfiyyatı azalır və kommunal xərclərdə 15%-ə qədər qənaət mümkündür.

Enerji səmərəliliyi üzrə mütəxəssislər bildirir ki, bitkiləri pəncərə kənarlarına və ya soyuq hava axınının gəldiyi nöqtələrə yerləşdirmək onların təsirini artırır.

Bu, xaricdən gələn soyuq hava axınlarını zəiflədir, beləliklə evin temperaturu daha uzun müddət qorunur.

Beləcə, bu üsul həm enerji performansını artırır, həm də yaşayış məkanına "yaşıl enerji" atmosferi bəxş edir.

Evdə bir neçə uyğun bitki ilə yaradılan "yaşıl zona", təbii izolyasiya qalxanı kimi fəaliyyət göstərir.

Mütəxəssislər bildirir: "Yaşıl enerji artıq təkcə günəş panelləri ilə deyil, evdəki bitkilərlə də mümkündür. Bu, davamlı həyat tərzinin yeni bir hissəsinə çevrilib."

Lalə Qüdrətova
Milli.Az