Dünya

Təkbaşına gəzən 5 yaşlı türk uşaq tapıldı - Ona konfet aldılar və...

25 May 2023 20:41
Baxış: 1 413
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Niderlandın cənubundakı Maastrixt şəhərində zəlzələ qurbanı olduğunu deyən 5 yaşlı türk uşağı təkbaşına gəzdiyi zaman tapılıb.

Niderland dilində bir kəlmə belə bilməyən uşağın ölkəyə necə gəldiyi araşdırılır.

Milli.Az oxu.az-a istinadən xəbər verir ki, bu barədə Maastrixt polisinin "Instagram" hesabında "Böyük şəhərdə təkbaşına" başlığı ilə açıqlama paylaşılıb.

Açıqlamada 5 yaşlı türk uşağının şəhərin mərkəzində tək halda gəzərkən tapıldığı bildirilib. Niderland dilini bilməyən və türkcə danışan uşağa şirniyyat dükanında konfet alınıb və daha sonra polis bölməsinə aparılıb.

Polis bölməsində uşağa yemək və dondurma verilib. Uşaq türkcə bilən polislə söhbət edib.

Türkiyədən gəldiyini deyən uşaq qeyd edib ki, valideynləri öz ölkələrindədir və hər ikisi fevralın 6-da baş verən zəlzələdə yaralanıb.

Uşaq sosial xidmət işçilərinə təhvil verilib və onun sığınacaq mərkəzinə göndəriləcəyi bildirilib.

5 yaşlı uşağın Niderlanda necə gəldiyi barədə məlumat verilməyib. Niderland rəsmilərinin bu məsələni araşdırdığı vurğulanıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.