Dünya

Yağışda görünən, günəşdə yoxa çıxan “kabus ayaq” izləri aşkarlandı - FOTO

4 Avqust 2022 17:24
0 Şərh     Baxış: 732

Arxeoloqlar Yuta ştatının Qreyt-Solt-Leyk səhrasında çoxlu sirli "kabus izlər" aşkar edib.

Bu barədə Kornell Universitetinin mətbuat xidmətindən xəbər verilib.

Milli.Az oxu.az-a istinadən xəbər verir ki, onların sözlərinə görə, izlər yalnız yağışdan sonra görünür; onlar nəmlə dolur və tündləşir. Quruduqdan sonra yenidən yox olurlar.

Komanda bu ilin iyul ayında əvvəlcə bir neçə izə rast gəlib. Ancaq georadardan istifadə etməklə ətraf ərazinin hərtərəfli yoxlanılmasından sonra yetkin insanlara və beş yaşdan kiçik uşaqlara aid ən azı 88 ayaq izi müəyyən edilib.

"Kabus izlər" ən azı 10.000 il əvvələ aiddir. Bəzi alimlər isə ayaq izlərinin 12.000 il əvvəldən - son Buz Dövründən qala biləcəyi barədə fikir irəli sürüblər.

"İnsanlar, ehtimal ki, dayaz suda gəziblər. Qum tez bir zamanda onların izlərini doldurub, lakin qumun altında olan palçıq təbəqəsi onları qoruyub", - deyə alimlərdən biri düşüncələrini bölüşüb.

O da bildirilir ki, əvvəlki tədqiqat qrupu ayaq izlərinin tapıldığı yerin 2 km-də 12.000 il əvvələ aid ovçu-yığıcı düşərgəsi tapıb. Bu düşərgədə ayaq izlərini qoyan insanlar məskunlaşa bilərdi.

Hazırda arxeoloqlar tədqiqat işlərini davam etdirirlər.

Milli.Az

Məqaləyə dair fotomateriallar:

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics