İdman

Ronaldo Bekhemin klubunda?

11 Mart 2021 17:19

Baxış: 1 007

VTB-də minimal faiz dərəcəsi ilə nağd kredit 10.49%-dən

#FUTBOL

"Yuventus"un futbolçusu Kriştiano Ronaldo "İnter Mayami"yə keçə bilər.

Milli.Az qol.az-a istinadən xəbər verir ki, bu barədə "Daily Star" məlumat yayıb. Bildirilib ki, tərəflər artıq əlaqə saxlayıblar. 36 yaşlı hücumçunun bu yay transfer pəncərəsində Devid Bekhemin klubuna keçəcəyi gözlənilir.

Portuqaliyalı futbolçunun Turin təmsilçisi ilə müqaviləsi isə 2022-ci ilin yayına qədərdir. Nəşr yazıb ki, o, "Yuventus"un Çempionlar Liqasının 1/8 finalında "Portu" səddini keçə bilməyərək mübarizəni dayandırmasından sonra komandasını dəyişdirmək fikrinə düşüb. Həmçinin klub da Ronaldonun transferinin əleyhinə deyil. Çünki "Yuventus" ona böyük məbləğdə- illik 31 milyon avro maaş ödəyir.

Qeyd edək ki, Ronaldo bu mövsüm 32 matça çıxaraq, 27 qol vurub və 4 qolun ötürməsini verib.

Milli.Az