İdman

“Barselona” yeni baş məşqçi ilə anlaşdı

17 Avqust 2020 12:33
Baxış: 2 634
VTB-də minimal faiz dərəcəsi ilə nağd kredit 10.49%-dən

"Barselona"nın yeni baş məşqçisinin adına böyük ölçüdə aydınlıq gəlib.

Milli.Az apasport.az-a istinadla bildirir ki, Niderland millisinin baş məşqçisi Ronald Kuman bu posta gətiriləcək.

Bildirilib ki, Kike Setyeni istefaya göndərən İspaniya təmsilçisi 57 yaşlı mütəxəssislə artıq razılıq əldə edib. Dünən Barselonaya yollanan Kuman rəhbərliklə 2 illik müqaviləni razılaşdırıb. Mütəxəssisin Niderland Kral Futbol İttifaqı ilə müqaviləsində yer alan bəndə əsasən, o, AVRO-2020-dən sonra məhz "Barselona"dan təklif gələrsə, komandanın sükanı arxasına keçə bilər. Kumanla hərtərəfli anlaşan kataloniyalılar niderlandlılarla bu yöndə danışıqları davam etdirir.

Qeyd edək ki, "Barselona"nın prezidenti Xosep Bartomeu baş məşqçisi Kike Setyenin istefaya göndərildiyini açıqlayıb. İdman direktoru Erik Abidalın da klubu tərk etməsi gözlənilir.

Milli.Az

 
Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.