İdman

Almaniya qəzeti Lüksemburqda keçirilən futbol matçındakı erməni təxribatından yazır

7 Oktyabr 2019 20:04

0 Şərh Baxış: 2 510

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU #QARABAĞ #AVROPA LİQASI #ALMANİYA

Almaniyanın "Frankfurter Allgemeine Zeitung" qəzetində dərc edilən məqalədə futbolda da dronla hücum təhlükəsinin olmasından söz açılır, Lüksemburqun "Düdelanj" və Azərbaycanın "Qarabağ" futbol komandaları arasında keçirilən oyunda naməlum dron vasitəsilə törədilən təxribat haqqında məlumat verilir.

Milli.Az AZƏRTAC-a istinadən bildirir ki, UEFA-nın məlumatına istinadən şotlandiyalı hakim Con Bitonun təhlükəsizlik səbəbindən oyunun 31-ci dəqiqəsində qarşılaşmanı dayandırdığı bildirilir və UEFA-nın bu qərarı doğru hesab etdiyi nəzərə çatdırılır. Belə ki, bu vaxt erməni bayrağına oxşar bayrağın bərkidildiyi dronun qarşılaşmanın keçirildiyi meydanın üzərində uçmasının müəyyən edildiyi bildirilir. Bu səbəbdən hakimin oyunu dayandırdığı vurğulanır. UEFA-nın oyun haqqında rəsmi məlumat əldə etdikdən sonra müvafiq qərar qəbul edəcəyi qeyd olunur.

Məqalədə Ermənistanla Azərbaycan arasında uzun illərdir münaqişənin olduğu, Dağlıq Qarabağ regionunun beynəlxalq hüquqa əsasən Azərbaycanın ərazisi hesab edildiyi diqqətə çatdırılır. Münaqişənin əvvəllər də idmana təsirinin olduğu vurğulanır. Belə ki, İngiltərənin "Arsenal" futbol komandasının erməni əsilli oyunçusu Henrix Mxitaryanın may ayında Bakı şəhərində keçirilən Avropa Liqasının final oyununda "Çelsi" komandasına qarşı oyuna çıxmaqdan imtina etdiyi nəzərə çatdırılır.

Milli.Az