Şou-biznes

"Matrisada nasazlıq": Cennifer Lopesin oxşarı həbs edildi - (Foto)

18 Sentyabr 2026 00:12

Baxış: 106

VTB-də minimal faiz dərəcəsi ilə nağd kredit 9.9%-dən

#MÜĞƏNNİ

Minnesota ştatında yaşayan bir qadın, oğurluqda ittiham olunaraq həbs edildikdən sonra çəkilmiş şəklinin internetdə yayılması gözlənilmədən sosial media ulduzuna çevrilib.

Səbəb onun məşhur müğənni və aktrisa Cenifer Lopesə heyrətamiz bənzərliyi olub.
35 yaşlı Sirena Enn Kuest avqustun 30-da həbs edilib.

Milli.Az bildirir ki, cinayət işinə istinadən verilən xəbərə görə, o, Montesellodakı bir mağazadan təxminən 580 dollar dəyərində iki ədəd elektrik aləti batareyası oğurlamaqda ittiham olunur.

Məlumata görə, Kuest batareyaları oğurladığını etiraf edib və sonradan ağır cinayət oğurluğu ittihamı ilə həbs edilib.

Lakin onu internetdə məşhur edən iddia edilən oğurluq deyil.

Onun saxlanıldıqdan sonra çəkilən fotosu istifadəçilərin diqqətini çəkib: fotoda Kuest 57 yaşlı Cennifer Lopesə o qədər oxşayır ki, çoxları əvvəlcə qarşılarında ulduzun özünün dayandığını düşünüblər.

"Bir anlıq düşündüm ki, bu, Cennifer Lopesdir ", - bir istifadəçi zarafat edib.

"Matrisada nasazlıq", - başqa biri yazıb.

Hətta kimsə birbaşa Lopesə müraciət edib: "Cennifer, əgər sən indi gəlib bacını aparmasan və DNT testindən keçirməsən, biz bağışlamayacağiq! bunu bizim üçün edin. Bu sənin bacindir, qız!"

Məlumata görə, Kuest avqustun 30-da həbsindən sonrakı gün sərbəst buraxılıb.

Lakin, ictimai qeydlərə görə, bu, qadının qanunla ilk qarşılaşması deyil. O, əvvəllər narkotik saxlamaq, sərxoş vəziyyətdə avtomobil idarə etmək, polisdən yayınmağa cəhd etmək və yalan məlumat vermək də daxil olmaqla bir sıra ittihamlarla həbs olunub. Onun həmçinin bir neçə yol hərəkəti qaydalarını pozması qeydə alınıb. (lent.az)

Müəllif: Ülkər Vəliyeva (Milli.Az redaktor)