Siyasət

Azərbaycan XİN Tbilisidə baş verən partlayışla bağlı Gürcüstana başsağlığı verib

20 Noyabr 2026 00:26
Baxış: 112

Azərbaycan Xarici İşlər Nazirliyi Gürcüstanın Tbilisi şəhərindəki yaşayış binasında baş verən faciəvi partlayışla bağlı Gürcüstana başsağlığı verib.

Milli.Az xəbər verir ki, bu barədə Azərbaycan XİN-in "X" hesabında paylaşım edilib.

"Tbilisidə yaşayış binasında baş vermiş faciəvi partlayışdan dərin kədər hissi keçiririk. Yaxınlarını itirən ailələrə səmimi başsağlığımızı bildirir, fikirlərimizin bu faciədən zərər çəkən hər kəslə olduğunu vurğulayırıq.

Xəsarət alanlara tezliklə və tam sağalmalarını arzulayırıq", - deyə paylaşımda qeyd edilib.

Qeyd edək ki, noyabrın 19-da Tbilisinin Zemo Poniçala qəsəbəsində yaşayış binasında qaz partlayışı nəticəsində binanın bir hissəsi uçub. Hadisə nəticəsində 5 nəfər həlak olub.

Müəllif: Ülkər Vəliyeva (Milli.Az redaktor)

 

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.