Şou-biznes

Conidən haqqında yayılan xəbərlərə reaksiya - Yenilənib - (Video)

17 Sentyabr 2026 23:36

Baxış: 1 296

VTB-də minimal faiz dərəcəsi ilə nağd kredit 9.9%-dən

#VİDEO #MÜĞƏNNİ

Rusiyada yaşayan azərbaycanlı müğənni Coni son günlər onunla bağlı yayılan xəbərlərə münasibət bildirib.

Milli.Az xəbər verir ki, sənətçi sosial şəbəkədə paylaşdığı açıqlamasında son bir həftə ərzində özü və komandasına yüzlərlə zəng gəldiyini bildirib:

"Son bir həftə ərzində mənə və komandama şəxsiyyətim ətrafında yayılan xəbərlərlə bağlı hansısa reaksiya verməyimiz xahişi ilə yüzlərlə zəng daxil olub. Bəli, oxumuşam. Həyat yoldaşı və uşaq. Yeni ad. Yeri gəlmişkən, mənim xoşuma gəldi. Gözəl addır.

Bilirsiniz, zəmanəmizin əsas problemi nədir? Biz şübhə etməyi unutmuşuq. Bir görüntü görürük və dərhal ona inanırıq. Mənim səsimə bənzəyən bir səs eşidirsiniz və saniyələr ərzində mənə irad tutmağa, yaxud mənə hansısa damğa vurmağa hazırsınız.

Dünya o qədər sürətlə dəyişib ki, həqiqət artıq öz dəyərini itirib. Amma sizə bir etiraf etmək istəyirəm. Bütün bu səs-küy, bütün bu performans, bu xəbərlər sadəcə bir zarafat deyil.

Bu, güzgüdür. Elə indi, mən danışarkən texnologiyalar mənim üzümü, səsimi oğurlaya bilər və siz kopyanı orijinaldan ayıra bilməzsiniz. Biz elə bir dünyada yaşayırıq ki, kompüteri olan istənilən məktəbli həqiqətdən daha inandırıcı görünən bir reallıq yarada bilər.

Həyat illüziyadır".

------------

Məşhur azərbaycanəsilli müğənni JONY ad və soyadını dəyişib.

Milli.Az xəbər verir ki, o bu barədə sosial şəbəkə hesabında paylaşım edib.

Sənəddə onun məlumatları Massimo Torriçelli kimi qeyd edilib.

Xatırladaq ki, sənətçinin əvvəlki adı Cahid Əfrayıl idi.

Müəllif: Ülkər Vəliyeva (Milli.Az redaktor)