İdman

"İstədiyimiz kimi oynaya bilsək, uğurlu nəticə qazana bilərik" - Qurban Qurbanov

18 Sentyabr 2019 16:57
2 Şərh     Baxış: 1 182

Avropa Liqasının qrup mərhələsinin ilk turunda sabah İspaniyanın "Sevilya" klubunu qəbul edəcək "Qarabağ"ın baş məşqçisi Qurban Qurbanov oyun öncəsi mətbuat konfransında jurnalistlərin suallarını cavablandırdı.

Milli.Az sportal.az-a istinadən xəbər verir ki, 47 yaşlı mütəxəssis əvvəlcə görüş barədə fikirlərini bildirdi:

- "Sevilya" kimi komandanın Bakıya gəlməsi hamı üçün sevindiricidi. 1 ilə yaxın idi ki, azarkeşlərimiz belə rəqibə qarşı canlı oyun izləmirdilər. Düşünürəm ki, sabah meydanda yaxşı bir kollektiv görəcəyik, sona qədər mübarizə aparacağıq.

- "Atletiko" ilə matçlarda sensasiya etmişdiz. Sabah yenə ispanlara qarşı sürpriz etmək və xal qazanmaq şansı varmı?

- Baxmayaraq ki, "Sevilya" Avropa Liqasında çıxış edir, düşünürəm ki, bu komanda Çempionlar Liqasında oynamağa layiqdi. Öz  meydanımızda oynayırıq, maksimum ən yaxşısını etməyə çalışacağıq. İstədiyimiz kimi oynaya bilsək, uğurlu nəticə qazana bilərik.

- Mahir Emreli oynaya biləcəkmi?

- Yaxşı deyil. Böyük ehtimalla oynamayacaq.

- İspan futbolçularınızdan "Sevilya" barədə hansısa məlumat almısızmı?

- Miçel özü də burdadı, soruşa bilərsiz. Heç bir məlumat almamışam. Düşünürəm ki, buna ehtiyac yoxdu. "Sevilya"nı yaxından tanıyırıq.

- Xulen Lopeteqini nə qədər tanıyırsız və onun məşqçilik metodları barədə nə deyə bilərsiz? Bir də "Sevilya"dan hansı futbolçuları xüsusi vurğulaya bilərsiz?

- Lopeteqi ilə xüsusi tanışlığım yoxdu. Ancaq "Real"da, İspaniya millisində işləməsi hər şeydən xəbər verir. O, futbolçularından əsl ispan futbolu tələb edir. Ümumiyyətlə, bu ölkənin futboluna marağım böyükdü, ən çox izlədiyim çempionat La Liqadı və İspaniya millisinin oyunlarına baxıram. Heyətdə bir nəfər deyil, gərək hamısını bir-bir sayım. De Yonqu, Boneqanı, Çiçaritonu, Navası, başqalarını vurğulaya bilərəm, hamısının adını çəkmək olar. Çalışacağıq ki, yaxşı mübarizə aparaq və azarkeşlərimiz ən azı oyunumuzdan razı qalsınlar.

- Bütün "Sevilya" rəsmiləri və futbolçuları açıqlamalarında "Atletiko" ilə oyunlardan danışırlar. Düşünmürsüz ki, həmin heç-heçələr sizin əleyhinizə işləyir? O baxımdan ki, bu gün "Sevilya" sizə yuxarıdan aşağı baxmır və daha ciddi hazırlaşırlar...

- Açıqlamalarından məlumdu ki, çox ciddi hazırlaşırlar. Digər tərəfdən, bəli, ola bilər ki, həmin nəticələr onların bizə daha ciddi yanaşmasına səbəb olub. İnanmıram ki, qrup mərhələsində hansısa komanda özünü rahat hiss etsin. Son vaxtlar futbolda fərqli və gözlənilməz nəticələr çox olur. Ona görə də hər bir iddialı komanda daha ciddi hazırlaşmağa vadar olur.

Milli.Az

loading...

Şərh yaz:

2 Şərh:

  • Anonim
    Alimardan · 18 Sentyabr 17:3330

    yox ay brat, istediyiniz kimi yox, xeyalindaki kimi oynaya bilsez uda bilerdiz. hələ basga sertlerde var. siz yaxsi oynamalisiz, regib pis oynamalidir. senin hucumcularin topu duz vurmalidir, Sevilyanin gapicisi tez tez sehv etmelidir, bizim gapici butun toplari tutmalidir, onlarin hucumculari topu. eyri vurmalidir, sudya bize teref olmalidir, kuleyin istigameti her iki hissede Sevilyanin gapisina tərəf olsa bəlkə minimal hesabla galib gelersiz. amma burda nezere almadigimiz şərtlər ola biler udmagimiza mane olar, mes. regibin hucumcu pis oynayanda birden bir yarımmüdafiəçi veya müdafiəçi gol vur biler. tak sto goryrsenki udmaginiza əngəl coxdur.

    Cavab yaz
  • Anonim
    Rasim · 18 Sentyabr 17:4320

    Bu Qurbanda ele danisir Atletiko size xal vermeli idide borcu vardi Azerbaycana bos yere Atletikoya 10 milyonlar vermemisik.Azerbaycan yixmasina hormet elediler.Azerbaycan futbolu olub cempiyanat 0 hec bir menasi yoxdu.Qarabagda bir gun Qebelenin Neftcinin gunune qoyacaqlar.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.