İdman

Atletimiz Avropa çempionu oldu

13 Aprel 2016 13:42
0 Şərh     Baxış: 1 510
VTB-də minimal faiz dərəcəsi ilə nağd kredit 9.9%-dən
#İDMAN #PAUERLİFTİNQ

Norveçin Fyorde şəhərində keçirilən ağır atletika üzrə Avropa çempionatı davam edir.

Milli.Az goal.az-a istinadən xəbər verir ki, yarışın üçüncü günü Azərbaycan millisi üçün uğurlu alınıb.

Komandamız aktivinə ilk qızıl medalı yazıb. Fyordedə Azərbaycan himninin Boyanka Kostova səsləndirib.

58 kq dərəcəsində körpücük üzərinə çıxan dünya çempionumuz birdən qaldırma hərəkətində ilk yanaşmasını yerinə yetirməklə qızıl medalı təmin edib. Belə ki, öncə 95 kq çəkinin öhdəsindən gələn Kostova ardınca hər cəhdində sifarişini 5 kq artırıb və bu hərəkəti 105 kq çəkini ram etməklə bitirib. Bununla da o, ən yaxın izləyicisini 15 kq qabaqlayıb.

Təkanla qaldırma hərəkətində də Boyanka aşkar favorit olduğunu sübut edib. Öz çəkisində Avropa və dünya rekordlarının sahibi olan ağırlıqqaldıranımız əvvəlcə 120 kq, ardınca 130 kq-ı başı üzərinə qaldırıb. 3-cü yanaşma heç bir əhəmiyyət kəsb etmədiyindən atletimiz ondan imtina edib.

Toplamda 235 kq (105 kq + 130 kq) nəticə göstərən Kostova üçüncü dəfə Avropa çempionu tituluna yiyələnib. İkinci yerdə qərarlaşan İrina-Lasramioara Lepsa (Rumıniya) idmançımızdan nə az, nə çox - 30 kq (88 kq + 117 kq) az qaldırıb. İlk "üçlüyü" qapayan Yoanna Loçovska (Polşa) isə cəmi 204 kq (90 kq + 114 kq) çəkinin öhdəsindən gəlib.

Ondan öncə körpücük üzərinə çıxan Elmar Alıyev (56 kq) 7-ci, Mərziyyə Məhərrəmova (48 kq) ilə Allahyar Abışov (62 kq) 11-ci və Gülçin Əlizadə (53 kq) 20-ci pillədə qərarlaşmışdı. Yarış isə aprelin 17-də başa çatacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.