İdman

Ronaldu bu tarixədək futbol oynayacaq

3 Noyabr 2025 13:00
Baxış: 2 582
VTB-də minimal faiz dərəcəsi ilə nağd kredit 9.9%-dən
#KRİŞTİANU RONALDU #FUTBOL

Səudiyyə Ərəbistanının "Əl-Nəsr" klubunun ulduz futbolçusu Kriştianu Ronaldu karyerasını mümkün qədər uzun müddət davam etdirmək niyyətindədir.

Milli.Az xarici mətbuata istinadən xəbər verir ki, portuqaliyalı hücumçu bu fikrini son oyundan sonra səsləndirib.

Ronaldu Səudiyyə Ərəbistanı çempionatının "Əl-Feyha" ilə qarşılaşmasında komandasına qələbə qazandıran penalti qoluna imza atıb. Görüş "Əl-Nəsr"in 2:1 hesablı qələbəsi ilə yekunlaşıb.

"Bu, mənim və bütün komanda üçün inanılmaz bir axşam idi. Qələbə qazandıq və iki qol vurdum - bu, hər zaman vacibdir. Dəfələrlə demişəm ki, uzunömürlülüyün sirri coşqudadır, və bu coşqu məndə hələ də qalır. Qol vurum, ya yox - bu mənim həyatımın bir parçasıdır. Artıq 23-24 ildir futbolun içindəyəm və sağlamlığım imkan verdiyi müddətdə oynamağa davam edəcəyəm", - deyə Ronaldu bildirib.

Xatırladaq ki, 40 yaşlı superulduz indiyədək Çempionlar Liqasının beşqat, Avropa çempionatının, həmçinin Millətlər Liqasının qalibi olub. O, Portuqaliyanın "Sportinq", İngiltərənin "Mançester Yunayted", İspaniyanın "Real Madrid" və İtaliyanın "Yuventus" klublarının formasını geyinib. Ronaldu 2022-ci ilin dekabrında "Əl-Nəsr"ə transfer olunub və hazırda da Səudiyyə təmsilçisinin heyətində çıxış edir.

Tural
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.