İdman

“Qalatasaray”ın qadın futbolçusu rəqibinə yumruq vurdu - VİDEO

5 İyun 2024 13:50
Baxış: 782
VTB-də minimal faiz dərəcəsi ilə nağd kredit 10.49%-dən

Konqo və Mərakeş qadın yığmaları arasında keçirilən matçda qalmaqallı hadisə yaşanıb.

Milli.Az "qafqazinfo"ya istinadən xəbər verir ki, , Konqo millisinin, eyni zamanda "Qalatasaray"ın qadın futbol klubunun oyunçusu Rut Kipoyi rəqibini yumruqla vurub. 

Belə ki, 62-ci dəqiqədə qonaq komandanın futbolçusuna sərt müdaxilə edən Rut Kipoyi hakim tərəfindən qırmızı vərəqə ilə cəzalandırılıb. Rəqib komandanın bəzi futbolçuları kobudluq etdiyinə görə onun üzərinə hücum çəkib. Kipoyi də təzyiqlərə tab gətirməyərək mərakeşli Yasmin Mrabetə yumruq zərbəsi endirib.

Futbolçunun bu hərəkəti müzakirə mövzusuna çevrilərək tənqid edilib.

Rut Kipoyi isə sosial media hesabında bu açıqlamanı verib: "Dünənki hərəkətlərim məni bir insan olaraq təmsil etmir. Matçda soyuqqanlılığımı itirdim və məni məyus edəcək şəkildə davrandım. Xüsusilə, Yasmindən üzr istəyirəm. Ona səslənirəm, ümid edirəm ki, bu gün özünüzü yaxşı hiss edirsiniz. Sizə gələcək üçün ən yaxşısını arzulayıram. Bağışlayın".

Qeyd edək ki, qarşılaşma Mərakeşin 3-2 hesablı qələbəsi ilə bitib. 

Sözügedən görüntüləri təqdim edirik: 

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.