İdman

1 qolla 2 rekord: Həm Messini qabaqladı, həm də…

2 İyun 2024 15:48
Baxış: 1 737
VTB-də minimal faiz dərəcəsi ilə nağd kredit 10.49%-dən

"Real"in braziliyalı hücumçusu Vinisius Junior Çempionlar Liqasının 2023/24 mövsümünün finalında qol vurmaqla tarixə düşüb.

Milli.Az publika.az-a istinadən xəbər verir ki, 23 yaşlı futbolçu 83-cü dəqiqədə Cud Bellinqhemin ötürməsindən sonra fərqlənib.

Vinisius daha əvvəl də Çempionlar Liqasının finalında qol vurub. O, 2022-ci ildə turnirin "Liverpul"la həlledici qarşılaşmasında fərqlənib.

"Squawka"nın məlumatına görə, Vinisius Çempionlar Liqasının birdən artıq finalında qol vuran ilk braziliyalı olub.

Vinisius həm də Çempionlar Liqasının iki finalında qol vuran ən gənc oyunçu olub. Braziliyalı vinger 23 yaş 325 günlüyündə fərqlənərək Lionel Messinin rekordunu (2011-ci ildə 23 yaş 338 gün) yeniləyib.

Milli.Az
Xəbərlərimizi WhatsApp kanalımızAdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.