Maraqlı

Kombidəki istiliyi bir qəpik xərcləmədən 2 dəfə artıran üsul

16 Noyabr 2025 07:07

Baxış: 14 206

VTB-də minimal faiz dərəcəsi ilə nağd kredit 9.9%-dən

#MARAQLI

Havaların soyuması ilə evlərdə kombilər işə düşməyə başlayıb. Lakin bir çox insan kombini sonuna qədər yandırmasına baxmayaraq evinin kifayət qədər isinmədiyini bildirir. Mütəxəssislər isə problemin hər zaman kombidən qaynaqlanmadığını deyir.

Milli.Az xəbər verir ki, bu sadə bir üsul təkcə düzgün təmizliklə radiatorların istilik vermə gücünü xeyli artırmağa imkan verir.

Radiatorların arxa hissəsində və iç qanadlarında toplanan toz qatları istiliyin otağa yayılmasını azaldır. Bu isə sistemin eyni temperaturu vermək üçün daha çox işləməsinə və daha çox enerji sərf etməsinə səbəb olur.

Mütəxəssislərin sözlərinə görə, radiatorların sadə şəkildə təmizlənməsi:

istiliyin daha yaxşı dövr etməsinə,
otağın daha tez və bərabər isinməsinə,
enerji sərfiyyatının azalmasına səbəb olur.

İşləmə qaydası çox sadədir

Bu üsul üçün evdə olan bir neçə vasitə kifayətdir:

Radiatorun tam sönük və soyuq olduğundan əmin olun.

Təmiz bir bez və uzun, nazik bir çubuq (süpürgə sapı və ya oxlov) götürün.

Bezi çubuğun ucuna dolayın.

Bu çubuğu radiatorun iç hissəsindəki boşluqlardan və radiatorla divar arasındakı dar yerdən keçirərək tozları təmizləyin.

Mütəxəssislər bu təmizliyin mütəmadi edilməsini məsləhət görür. Bundan başqa, radiatorun içində suyun dövranını azaldan hava qabarcıqlarının çıxarılması (radiator havasının alınması) da vacibdir.

Lalə Qüdrətova
Milli.Az