Cəmiyyət

Yeni tikililərin əksəriyyətində nə üçün mərkəzi istilik sistemi yoxdur? - AÇIQLAMA

26 Sentyabr 2021 23:05
1 Şərh     Baxış: 1 127

Yeni tikililərin əksəriyyətində mərkəzi istilik sisteminin olmaması bir sıra problemlərə gətirib çıxarır.

Milli.Az bildirir ki, bunu Trend-ə açıqlamasında Elnur Fərzəliyev deyib.

Onun sözlərinə görə, bu gün Bakı-Abşeron və Sumqayıt ərazisində 2000-ə yaxın yeni tikili bina var və bunların əksəriyyətində mərkəzi istilik sistemi yoxdur:

"90-cı illərə kimi tikilən binaların əksəriyyətinin ümumi mərkəzi istilik sistemi var idi. Məsələn, bir istixana tikilirdi və ondan 30-40 bina yararlanırdı. Amma bu gün hər MTK istixananı özü tikməlidir. Birincisi bunun avadanlığı çox bahadır, digər tərəfdən "Azəriqaz" hüquqi şəxslərə qazı daha baha qiymətə satır. Qazanxana da bir-iki bina üçün olduğundan maya dəyəri çox baha başa gəlir. Hesab edirəm ki, mərkəzi istilik sistemləri ümumi qurulmalıdır".

Ekspert yeni tikililərdə mərkəzi istilik sisteminin olmamasının vətəndaşlara və ekologiyaya da böyük zərər vurduğunu deyib:

"Mərkəzi istilik sisteminin olmadığı yeni tikililərdə vətəndaşlar məcburən evlərini və sularını isitmək üçün kombi aparatından istifadə edirlər. Təsəvvür edin ki, minlərlə mənzildə bu aparatlardan quraşdırılıb. Bu, vətəndaşın qaz və su sərfiyatının artmasına gətirib çıxarır. Digər tərəfdən həmin aparatlardan çıxan zəhərli qazlar ekologiyanı korlayır. Bu aparatlar əsasən eyvanlarda quraşdırıldığından həmçinin bir qonşudan digərinə gedir və beləliklə insanların da sağlamlığına böyük zərər vurur".

Milli.Az

35 000 AZN-dək krediti ONLAYN sifariş et!

Şərh yaz:

1 Şərh:

  • Anonim
    Roma · 27 Sentyabr 00:3100

    Bu olkede ne duzduki,buda qaydasinda olsun???!!!

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.