Cəmiyyət

Satdığı məhsulların yarıdan çoxu köhnəymiş - 153 kq...

28 İyul 2021 18:18
0 Şərh     Baxış: 604

Tovuz rayonu, İbrahim Hacılı kəndində qanunsuz fəaliyyət göstərən ərzaq satışı mağazasına baxış keçirilib.

Qida Təhlükəsizliyi Agentliyindən Milli.Az-a verilən məlumata görə, yoxlama zamanı müəssisənin qida təhlükəsizliyi üzrə dövlət qeydiyyatından keçmədən fəaliyyət göstərdiyi, texniki normativ sənədlərin tələblərinin kobud şəkildə pozulduğu müəyyən olunub.

Belə ki, mağazada ümumi çəkisi 153 kq olan 44 adda, müxtəlif çeşiddə istifadə müddəti bitmiş yeyinti məhsullarının (şirniyyat, meyvə şirəsi, qazlı içki, konservləşdirilmiş balıq məhsulu və şokolad yağı) satışının həyata keçirildiyi aşkar edilib.

Aşkar olunmuş faktla bağlı qanunvericiliyin tələblərinə uyğun müvafiq tədbirlər görülüb, istehlaka yararsız 153 kq qida məhsulunun satışı qadağan edilib.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.