Cəmiyyət

Yaralılar üçün daha 5 “RGO” ortopedik cihazı Azərbaycana gətirilib - FOTO

5 Fevral 2021 11:36

Baxış: 732

VTB-də minimal faiz dərəcəsi ilə nağd kredit 10.49%-dən

#CƏMİYYƏT

"YAŞAT" Fondu tərəfindən ağır yaralanan qazilərimizin səhhətinin bərpası ilə bağlı tədbirlər davam etdirilir.

Vətəndaşlara Xidmət və Sosial İnnovasiyalar üzrə Dövlət Agentliyindən Milli.Az-a verilən məlumata görə, ciddi fiziki travma alan qazilərimizin fiziki bərpa prosesini daha da sürətləndimək üçün "YAŞAT" Fondu tərəfindən xaricdən sifariş edilən daha 5 "RGO" ortopedik cihazı ölkəmizə gətirilib və artıq istifadə olunur: "Bu cihaz vasitəsi ilə hərəkət məhdudiyyətli şəxslərə addım atmaq şansı yaradılır.

"YAŞAT" Fondu qazilərimizin müalicəsi tam yekunlaşana qədər onları nəzarətdə saxlayacaq.

Xatırladaq ki, "YAŞAT" Fonduna müraciət prosesini daha da asanlaşdırmaq, mütəmadi hesabatlar təqdim etməklə şəffaflığa nail olmaq məqsədi ilə yashat.gov.az portalı istifadəyə verilib. Həmçinin Fondun 8110 "Çağrı" Mərkəzi fəaliyyət göstərir.

Milli.Az