Türkiyə

Qayınana kürəkəninə böyrəyini verdi - VİDEO

19 Noyabr 2025 15:20
Baxış: 1 948
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #VİDEO #TÜRKİYƏ #AİLƏ

Kocaelidə hər kəsi duyğulandıran hadisə yaşanıb.

Milli.Az xəbər verir ki, böyrək çatışmazlığından əziyyət çəkən 44 yaşlı kişi həyatını xilas edən ən böyük dəstəyi elə ailə daxilindən alıb. Onun 20 illik qayınanası, 60 yaşlı qadın - heç bir tərəddüd etmədən kürəkəninə böyrəyini bağışlayıb.

Məlumata görə, kürəkən uzun müddətdir dializ müalicəsi alırdı. Ailənin bu çətin dönəmində qayınana könüllü olaraq müayinədən keçib və nəticələr uyğun gəlincə əməliyyata razılıq verib.

Həkimlərin sözlərinə görə, transplantasiya uğurla həyata keçirilib. Həm donor, həm də transplantasiya olunan xəstənin vəziyyətinin yaxşı olduğu, bərpa prosesinin normal davam etdiyi bildirilib.

Qayınana əməliyyatdan sonra açıqlamasında bunları deyib:

"Böyrək vermək istəyənlərə İnşallah ki örnək olarıq. Kürəkənlərimin hamısını sevirəm ayırmıram. 20 ildir qızımla ailəlidir. İki nəvəm var. O, mənim öz övladım kimidir. Sağlamlığının yaxşı olması üçün nə lazımdırsa, etməyə hazıram".

Bu hadisə sosial şəbəkələrdə geniş müzakirə edilib və istifadəçilər tərəfindən "ailə bağlarının ən gözəl nümunəsi", "qayınana-kürəkən münasibətlərinə verilən ən böyük dəyər" kimi qiymətləndirilib.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.