İdman

“Real” Mourinyonu istefaya göndərə bilər

20 Oktyabr 2026 14:35

Baxış: 425

VTB-də minimal faiz dərəcəsi ilə nağd kredit 9.9%-dən

#JOZE MOURİNYO #REAL MADRİD #FUTBOL

Portuqaliyalı baş məşqçi Joze Mourinyunun İspaniyanın "Real Madrid" klubundakı gələcəyi sual altına düşüb.

Milli.Az AZƏRTAC-a istinadən bildirir ki, klub rəhbərliyi təcrübəli mütəxəssisin fəaliyyətindən və komandanın oyunundan narazıdır.

Yayda komandaya yeni futbolçuların cəlb olunmasına əhəmiyyətli vəsait xərclənsə də, gözlənilən irəliləyiş əldə edilməyib. Xüsusilə komandanın oyun keyfiyyəti və baş məşqçinin heyətlə bağlı bəzi qərarları tənqid olunur.

Bununla belə, futbolçuların Mourinyuya dəstək verdiyi bildirilir. Hazırda onun istefaya göndərilməsi ilə bağlı yekun qərar qəbul edilməyib. Lakin qarşıdakı matçlarda nəticələr yaxşılaşmasa, vəziyyət dəyişə bilər. Baş məşqçinin gələcəyinə təsir edə biləcək qarşılaşmalar oktyabrın 21-də Çempionlar Liqasında Almaniyanın "Leypsiq" komandasına və oktyabrın 26-da La Liqada "Barselona"ya qarşı oyunlardır.

Məlumata əsasən, Madrid klubunun prezidenti Florentino Peres mümkün əvəzləyici kimi Fransa millisinin sabiq baş məşqçisi Didye Deşamı nəzərdən keçirir. Deşam 2018-ci ildə Fransa millisi ilə dünya çempionu olub, 2022-ci ildə isə komandanı mundialın finalına çıxarıb.

Qeyd edək ki, Mourinyo 2026-cı ilin yayında "Real Madrid"ə qayıdaraq 3 illik müqavilə imzalayıb. O, daha əvvəl 2010-2013-cü illərdə Madrid klubuna rəhbərlik edib və komanda ilə İspaniya çempionluğu, ölkə kuboku və Superkubokunu qazanıb. Hazırda "Real Madrid" La Liqada 9 oyundan sonra 21 xalla üçüncü pillədə qərarlaşıb.

Müəllif: Tural Hüseyn (Milli.Az redaktor)