Sağlamlıq

Dişləri gündə 3 dəfə fırçalamaq lazım deyilmiş - Həkimdən xəbərdarlıq

19 Noyabr 2025 22:00

Baxış: 1 298

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Dişləri həddindən artıq tez tez və çox güc tətbiq edərək fırçalamaq ağız sağlamlığında ciddi problemlərə səbəb ola bilər.

Milli.Az xəbər verir ki, bunu rusiyalı stomatoloq terapevt və parodontoloq Viktoriya Çeredniçenko deyib.

"Artıq stomatoloqlar hər yeməkdən sonra dişlərin fırçalanmasını tövsiyə etmir. O deyir ki, gündəlik gigiyena vacib olsa da, bu məsələdə iki təhlükəli ifrat mövcuddur. Bəziləri dişlərini gündə bir dəfə də çətinliklə yuyur, bəziləri isə bunu həddindən artıq edir".

Həkimin sözlərinə görə, hər iki halda ziyan var.

Stomatoloq qeyd edib ki, "nə qədər çox olsa, bir o qədər yaxşıdır" yanaşması diş gigiyenasına tətbiq edilə bilməz. Dişlərin fırçalanması üçün ideal rejim gündə iki dəfədir. Səhər yeməyindən sonra və gecə yatmazdan əvvəl. Çox tez tez fırçalama diş minasının zədələnməsinə və nazikləşməsinə gətirir. Bu isə dişlərin isti soyuq və turş qidalara qarşı həssaslığını artırır. Bundan başqa, diş ətləri qıcıqlana və zədə ala bilər ki, bu da qanaxma və iltihab riskini yüksəldir.

Tez tez və sərt fırçalama ağız boşluğunun normal mikroflorasını da poza bilər. Bu isə kariyes yaradan bakteriyaların çoxalmasına və pis qoxuya səbəb olur. Mütəxəssis bildirir ki, yaxşı niyyətlə edilən bu davranış əksinə olaraq əlavə problemlər yaradır.

Çeredniçenko tövsiyə edir ki, dişlər gündə iki dəfə fırçalansın. Mütləq yumşaq və ya orta sərtlikdə fırça, habelə çox kobud olmayan diş pastası seçilməlidir. Fırçalama zamanı dişlərə və diş ətlərinə güclü təzyiq edilməməli, proses 2 ilə 3 dəqiqə arası davam etməlidir. Diş fırçasının hər üç aydan bir dəyişdirilməsi də vacibdir.

İsmayıl
Milli.Az