Cəmiyyət

Çində təhsil alan azərbaycanlı tələbə: "Maska çatışmır, 6 dənəsi 170 manatdır" - FOTO

29 Yanvar 2020 09:32
9 Şərh     Baxış: 11 265

Birinci semestr bitdikdən sonra qış tətili üçün yanvar ayının 15-i Bakıya gəlmişik. Bura gələndə Çində hər şey qaydasında idi. Virus barədə xəbərləri görürdük, amma vəziyyət bu dərəcədə ciddi deyildi. Hələ karantin elan olunmamışdı, hər kəs maskasız gəzirdi. Buna görə də rahat şəkildə Bakıya gəldik.

Bu sözləri Hefey şəhərində yerləşən universitetdə ( University of Science and Technology of China ) magistr üzrə təhsil alan tələbə Ülkər Eldarqızı Milli.Az-ın müxbiri ilə Çində yayılan yeni növ koronavirusun onun təhsilinə təsiri barəsində danışarkən söyləyib.

"USTC-nın 2-ci kurs tələbəsiyəm. Yaşadığım yer virusun yayıldığı Vuhan şəhərindən xeyli uzaqdır. Mən bura gələndən bir-iki gün sonra Çində vəziyyət xeyli dəyişdi. Həm burada xəbərlərdə gördüm, həm də oradakı tanışlardan virusun ciddi problemlər yaratdığını eşitdim.

Biz fevral ayının 15-i universitetə qayıtmalıydıq. Amma universitetdən mesaj yazıb yaz semestrinin başlama vaxtının bir müddətlik təxirə salındığını bildiriblər. Yeni dərs rübünün başlama tarixi epidemiyanın gedişatından asılı olaraq təyin olunacaq. Bu vaxta qədər universitetə gəlməməyimiz tövsiyə edilib.

Mənim bir neçə qrup yoldaşım var ki, onlar tətil üçün öz ölkələrinə qayıtmayıblar. Hazırda onlar yataqxanada qalırlar. Onlara evdən çıxmamaq məsləhət görülür, çünki aeroport, metrostansiyalar, alış-veriş mərkəzləri və başqa yerlərdə virusa yoluxma riski yüksəkdir.

Mən özüm Çinə qayıtmaq istəyirəm. Qorxmuram. Qısa zamanda problemin həll olunacağına və hər şeyin qaydasına düşəcəyinə ümidliyəm.

Gündəlik olaraq orada yaşayan qrup yoldaşlarımla əlaqə saxlayıram. Çox da narahat deyillər. Hefey şəhərində də 20 nəfərdə bu xəstəlik tapılıb. Evdə qaldığın müddətdə bu xəstəliyə yoluxma ehtimalı yoxdur. Bütün restoranlar, kafelər, alış-veriş mərkəzləri bağlanıb. Evdə tək qalıb, hər hansı məşğuliyyət olmadığı üçün, əsasən, darıxırlar. Həm də bir-biri ilə görüşməyə də ehtiyat edirlər ki, kimsə daşıyıcı ola bilər.

Apteklərdə maska tapılmır. N95 maskasının qiyməti olduqca bahadır. O gün tanışım 6 ədəd maskanı 170 manata alıb. Normalda həmin maska 5 manata satılırdı.

Ailə üzvlərim, təbii olaraq, mənə görə çox narahatdırlar. Vaxtında qayıtdığım üçün sevinirlər. Təhlükəli olduğuna görə yenidən Çinə getməyimi istəmirlər. Bütün qohumlar, dost-tanışlar, qonşular valideynlərimə zəng edib mənim gəlib-gəlmədiyimi soruşurlar. Onlar anamı tənbehləyirlər ki, məni qayıtmağa qoymasın".

Qeyd edək ki, son günlər yayılan koronavirus səbəbindən ölənlərin sayı 132-yə çatıb. Xəstəliyə 5974-dən çox insan yoluxub.

Milli.Az

Məqaləyə dair fotomateriallar:

loading...

Şərh yaz:

9 Şərh:

  • Anonim
    Fizuli · 29 Yanvar 09:5731

    Ay bala sənin nə işin var kitabda gəl evə yazıqdı valideynlərin

    Cavab yaz
  • Anonim
    Seva- - - · 29 Yanvar 09:5980

    Allah ordakilarin komeyi olsun bu derdin dermanini yetirsin.sizde ki xanim gedmey meselesini texire salsaz pis olmazdi gedib gele gele virusa tutularsuz millet onsuzda problem icindedi

    Cavab yaz
  • Anonim
    Sovet vətəndaşı · 29 Yanvar 10:3045

    Bəxtəvər başına! Qız başına haralara gedib çıxıb.

    Cavab yaz
  • Anonim
    Sabina · 29 Yanvar 10:3250

    Turkiyede zelzele,cinde virus...Alllah olkemizi belalardan,xesteliklerden qorusun...Amiiiin

    Cavab yaz
  • Anonim
    Uzaq · 29 Yanvar 11:1831

    Dünən yutubda çinlilərə yazılmış bir şərh oxudum /alma mazlumun ahını,çıkar virüslə virüslə/)Düzdü dodağım qaçdı,necə düzüb qoşurlar deyə,amma yazığım da gəlir günahsız insanlara. Evində,şəhərində hər an ölümlə burun-buruna olmaq,xəstəlikdən,aclıqdan,yoxsa qəsdən öldürülmə qorxusu ilə gözləmək nə qədər ürküdücü hissdir.

    Cavab yaz
  • Anonim
    asi · 29 Yanvar 12:4331

    Milyarddan çox əhalisi olan ölkə üçün 132 nəfərin virusdan ölməsi böyük dərd deyil.. Amma virusun sürətlə yayıllb başqa ölkəlırə də keçməsi əlbəttəki problemdi..Bu da ölkələrin kütləvi olaraq çin məhsullarından və çin səfərlərindən imtina etməsinə səbəb olacaq böyük ehtimalla.. Ki, virusun çin iqtisadiyyatını zəiflətmək məqsədi ilə ortaya çıxmasına da şübhə qalmır.. İndi fikirləşsinlər, görsünlər Çin uqtisadiyyatının korona virus kimi sürətlə inkişafından kim narahat idi??

    Cavab yaz
  • Anonim
    Sevda · 29 Yanvar 13:2420

    Türkiyedeyim. Ele qorxururam her an zelzele nolacaq deye

    Cavab yaz
    • Anonim
      aztr · 29 Yanvar 13:5110

      bakıya qayıt bakı da zelzelle gözlenmir

      Cavab yaz
  • Anonim
    aztr · 29 Yanvar 13:5410

    Çində dostumla danıştım cəmmat evden cıxmır . evde xastalıktan ölənlər var evler ölü kokuyormuş..

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.