Cəmiyyət

Bakıda 214 və 214A marşrutlarında gediş haqqı 65 qəpik olacaq

30 İyun 2026 15:37

Baxış: 408

VTB-də minimal faiz dərəcəsi ilə nağd kredit 9.9%-dən

Bakının Ramana qəsəbəsinə xidmət göstərən 214 və 214A nömrəli şəhərətrafı avtobus marşrutlarında iyulun 1-dən yeni daşıyıcı fəaliyyətə başlayacaq.

Bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) məlumat yayıb.

Bildirilib ki, dəyişiklik 214 və 214A nömrəli marşrutlar üzrə keçirilən müsabiqənin nəticələrinə əsasən həyata keçirilir.

Məlumata görə, Ramana qəsəbəsindəki "Şuşa şəhərciyi" yaşayış massivini Cəmşid Naxçıvanski küçəsi ilə birləşdirən 214 nömrəli marşrutda 15, qəsəbənin Fərrux Qayıbov küçəsini "Koroğlu" Nəqliyyat Mübadilə Mərkəzi ilə əlaqələndirən 214A nömrəli marşrutda isə 8 müasir, ekoloji cəhətdən təmiz CNG texnologiyalı avtobus sərnişinlərə xidmət göstərəcək.

Hər iki marşrutda ödəniş yalnız nağdsız şəkildə qəbul ediləcək. Gediş haqqı isə 0,65 manat olacaq.

Müəllif: Malik Məlikov (Milli.Az redaktor)