Cəmiyyət

Daha 6 itkin-şəhid dəfn ediləcək

30 İyun 2026 15:01

Baxış: 2 748

VTB-də minimal faiz dərəcəsi ilə nağd kredit 9.9%-dən

Birinci Qarabağ müharibəsində itkin düşmüş və şəxsiyyəti müəyyən edilən daha 6 nəfər yaxın günlərdə torpağa tapşırılacaq.

Bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.

Məlumata görə, hərbçi Nuriyev Yarməmməd Maqsud oğlu iyulun 1-də saat 13:00-da Xaçmaz rayonunun Köhnə Xudat kənd qəbiristanlığında dəfn ediləcək.

İyulun 3-də isə mülki şəxslər Kamalov Bahadur Məhəmməd oğlu saat 12:00-da Kəlbəcər rayonunun Zar kəndi yeni qəbiristanlığında, Babayeva Mədinə Rəhim qızı isə saat 13:30-da Kəlbəcər rayonunun Daşbulaq kənd qəbiristanlığında torpağa tapşırılacaq.

Həmin gün hərbçilərdən Əhmədov Rauf Əjdər oğlu saat 14:00-da Goranboy rayonunun Sarov kənd qəbiristanlığında, Musayev Dəyanət Salik oğlu saat 13:00-da Ucar rayonunun Boyat kənd qəbiristanlığında, Əliyev Möysüm Murad oğlu isə saat 14:00-da Füzuli rayonunun Mahmudlu 2 kənd qəbiristanlığında dəfn olunacaq.

Müəllif: Malik Məlikov (Milli.Az redaktor)