İdman

"İnter" 4 məşhur futbolçusunu göndərdi

30 İyun 2026 16:03

Baxış: 3 037

VTB-də minimal faiz dərəcəsi ilə nağd kredit 9.9%-dən

#TRANSFERLƏR #İNTER #FUTBOL #SERİYA A

İtaliyanın "İnter" klubu heyətində ciddi dəyişikliklərə gedib. Milan təmsilçisi eyni vaxtda bir neçə təcrübəli futbolçunun komandadan ayrıldığını rəsmən açıqlayıb.

Milli.Az xarici mətbuata istinadən xəbər verir ki, müqavilə müddəti başa çatan müdafiəçilər Stefan de Vrey, Françesko Açerbi və Matteo Darmian artıq "İnter"in formasını geyinməyəcəklər.

34 yaşlı Stefan de Vrey 2018-ci ildən, 36 yaşlı Matteo Darmian isə 2021-ci ildən Milan klubunun uğurları üçün mübarizə aparırdı. Françesko Açerbi isə 2023-cü ildən komandanın heyətində çıxış edirdi.

Bununla yanaşı, müqaviləsinin müddəti başa çatan 37 yaşlı qapıçı Yann Sommerin də "İnter"dən ayrıldığı rəsmən təsdiqlənib.

İsveçrəli qolkiper üç mövsüm ərzində "İnter"in əsas qapıçılarından biri olub. O, bu müddətdə bütün turnirlərdə 139 oyunda meydana çıxıb, 120 top buraxıb və 66 qarşılaşmada qapısını toxunulmaz saxlaya bilib.

Yann Sommer 2023-cü ilin avqustunda "İnter"lə müqavilə imzalamışdı. Təcrübəli qolkiper Milan klubunun heyətində iki dəfə A Seriyasının, həmçinin İtaliya Kuboku və ölkə Superkubokunun qalibi olub.

Qeyd edək ki, Yann Sommer karyerası ərzində "Bazel", "Qrasshopper", "Borussiya Münhenqladbax" və "Bavariya" kimi klubların da formasını geyinib.

Müəllif: Tural Hüseyn (Milli.Az redaktor)