Cəmiyyət

Bakıda küçədə sevgilisi ilə öpüşən oğlana bu cəza verildi

2 Oktyabr 2025 09:36

Baxış: 1 390

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Bakıda küçədə öpüşən sevgililərə irad bildirən yaşlı kişi döyülüb.

Milli.Az lent.az-a istinadən xəbər verir ki, hadisə Xətai rayonu Əhmədli qəsəbəsində, Məhəmməd Hadi küçəsində baş verib.

20 yaşlı Sərxan Mustafazadə (ad və soyad şərtidir) sevgilisi ilə olan yeniyetmə qızla evlərdən birinin yaxınlığında söhbət edib və bir-birlərini öpüblər. Bu zaman yaxınlıqdakı evin sahibi olan 60 yaşlı kişi onlara irad bildirərək təhqir edib. Cütlük qaçmağa çalışsa da, kişi onları buraxmayıb və polisə xəbər verəcəyini deyib. Belə olan halda Sərxan yumruqla kişinin sifətinə vuraraq, xəsarət yetirib. Nəticədə kişi yıxılıb və onlar qaçıblar.

Törətdiyi əmələ görə, Sərxanın barəsində Cinayət Məcəlləsinin 127.1-ci (qəsdən sağlamlığa az ağır zərərvurma) maddəsilə cinayət işi açılıb.

Xətai rayon Məhkəməsində hakim Rəfail Sadıxovun sədrliyi ilə keçirilən prosesdə Sərxan Mustafazadə barəsində 10 ay müddətinə azadlığın məhdudlaşdırılması cəzası təyin edilib.

Milli.Az