Texnologiya

Linus Torvalds: "Süni intellekt inqilab deyil, sadəcə yeni bir alətdir"

27 May 2026 20:14
Baxış: 331
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"Linux" əməliyyat sisteminin yaradıcısı Linus Torvalds Şimali Amerika Açıq Qaynaq Sammitində süni intellekt alətlərinin proqram təminatının yaradılması prosesinə təsiri və gətirdiyi təhlükəsizlik riskləri barədə maraqlı açıqlamalar verib. Torvalds bu texnologiyanın tərtibatçılar üçün mühüm bir köməkçi olduğunu, lakin proqramçıları tamamilə əvəz edə bilməyəcəyini vurğulayıb.

Milli.Az xəbər verir ki, üni intellektin tətbiqi ilə Linux nüvəsinə (kernel) göndərilən kodların həcmində ciddi artım müşahidə olunur. Torvaldsın sözlərinə görə, son altı ayda kod göndərimlərində əvvəlki illərlə müqayisədə 10% ilə 20% arasında bir yüksəliş qeydə alınıb.

Süni intellekt alətlərinin yayılması təhlükəsizlik boşluqlarının tapılması və hesabatların hazırlanması prosesində yeni çətinliklər yaradır:

Təhlükəsizlik siyahıları süni intellekt tərəfindən avtomatik generasiya olunmuş eyni tipli hesabatlarla dolub-daşır və bu, proqramçılar üzərində lazımsız iş yükü yaradır.

Torvalds artıq süni intellekt vasitəsilə tapılan təhlükəsizlik boşluqlarının birbaşa "ictimaiyyətə açıq" qəbul edilməsi qaydasını müdafiə edir. O, tədqiqatçıları proqramları sıradan çıxaracaq eksploitləri (exploit) məsuliyyətsiz şəkildə paylaşmamağa çağırıb.

Ekspert qeyd edir ki, süni intellekt qapalı qaynaqlı sistemlərdəki problemləri tapa bilsə də, onların düzəldilməsinə kömək edə bilmir. Açıq kodlu proqramlar isə bu baxımdan daha sürətli yenilənir.

"Keçmişdə kompilyatorlar (compiler) iş səmərəliliyini min qat artırdığı kimi, süni intellekt də məhsuldarlığı təxminən on qat artıracaq. Lakin proqramlaşdırmanın təməl məntiqi və insan amili dəyişməz olaraq qalır." - Linus Torvalds.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.