Maraqlı

2 ayaqlı timsah qalıqları AŞKARLANDI

27 May 2026 16:09
Baxış: 893
VTB-də minimal faiz dərəcəsi ilə nağd kredit 9.9%-dən
#MARAQLI #ABŞ #HEYVANLAR #LOS ANCELES

ABŞ-nin cənubunda Trias dövrünə aid, iki ayaq üzərində hərəkət edən qədim timsah növünün qalıqları aşkar edilib.

Milli.Az oxu.az-a istinadən xəbər verir ki, bu barədə Los-Anceles Təbiət Tarixi Muzeyinin (NHM) mətbuat xidməti məlumat yayıb.

Bildirilib ki, yeni aşkar edilən "Labrujasuchus expectatus" növü müasir timsahlardan daha çox, sonrakı geoloji dövrlərdə yaşamış ikiayaqlı yırtıcı dinozavrlara bənzəyib. Bu qədim canlı iki ayaq üzərində yeriyib, dişsiz çənəyə və dimdiyəbənzər ağız quruluşuna malik olub.

Arxeoloji qalıqlar ABŞ-nin Nyu-Meksiko ştatında yerləşən və Trias dövrünün ən məşhur geoloji məkanlarından sayılan "Ghost Ranch" ("Ruhlar rançosu") ərazisində aparılan qazıntılar zamanı tapılıb.

Alimlərin hesablamalarına görə, bu canlılar təxminən 212 milyon il əvvəl yaşayıblar. Onların skelet quruluşu, xüsusilə də çiyin və ayaq sümükləri ikiayaqlı timsahabənzər sürünənlərin təkamülündə "itirilmiş halqa" ola biləcəyini göstərir.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.