Cəmiyyət

Qax və Zaqatalada təbiətin sərt üzü: Doludan sonra su, sudan sonra lil

26 May 2025 20:41

Baxış: 1 282

VTB-də minimal faiz dərəcəsi ilə nağd kredit 9.9%-dən

#SEL

Təbii fəlakət kənd təsərrüfatına və sakinlərin gündəlik həyatına ciddi təsir göstərməyə davam edir. Mayın 25-i axşam saatlarında Zaqatala və Qax rayonlarında baş verən dolu və leysan yağışı yerli əhali üçün böyük çətinliklər yaradıb.

Milli.Az xəbər verir ki, Zaqatalanın Yeni Suvagil kəndi ilə Qax rayonunun Tasmalı və Zəyəm kəndlərində müşahidə olunan dolu təxminən 15-20 dəqiqə davam edib və kənd təsərrüfatına zərər vurub. Yeni Suvagildə yağan dolu meyvə bağlarına ciddi təsir göstərərək məhsul itkisinə səbəb olub.

Bundan başqa doludan sonra başlayan güclü leysan yağışı kəndin bəzi hissələrində evlərin həyətlərinin su ilə dolmasına və ətraf ərazilərin lil ilə örtülməsinə gətirib çıxarıb. Hadisə nəticəsində sakinlər gündəlik həyatlarında əziyyət çəkərək maddi ziyanla üzləşiblər.

Qeyd edək ki, ölkə ərazisində hava şəraiti qeyri-sabit şəkildə davam edir.

Asya
Milli.Az