Cəmiyyət

Hansı halda birgə nikah dövründə əldə olunmuş əmlak bölünə bilməz?

1 May 2024 11:15

Baxış: 1 983

VTB-də minimal faiz dərəcəsi ilə nağd kredit 9.9%-dən

#MƏHKƏMƏ #AİLƏ #ƏMLAK #HAKİM

"Nikah dövründə əldə edilən əmlak ər-arvadın ümumi birgə mülkiyyəti sayılır. Bu məsələdə qanunvericilik iki məqamı önə çəkir. Birincisi, əmlakın əldə edilməsi, ikincisi, onun nikah dövründə əldə edilməsi. Bu iki şərt yerinə gəlirsə, mübahisəli əmlak ər-arvadın ümumi mülkiyyəti sayılır".

Milli.az- xəbər verir ki, bunu Azərbaycan Respublikası Ali Məhkəməsinin Mülki kollegiyasının hakimi Zaur Əliyev bildirib.

Hakim qeyd edib ki, əmlak nikah dövründə əldə olunubsa, onun əksi sübuta yetirilənə qədər ər və ya arvad mübahisəli əmlakın nikah dövründə alındığını sübut etməklə özünün mülkiyyətçi olduğunu qanuna əsasən tanıtdırmış olur: "Artıq bunun əksini iddia edən varsa ki, bu əmlak ümumi vəsaitlə deyil, şəxsi vəsaitlə alınıb, belə olan halda həmin şəxs bunu sübuta yetirməyə borcludur. Ali Məhkəmənin Plenum qərarında göstərilib ki, əmlak dedikdə, iqtisadi dəyəri olan, bütün hüquqların və eyni zamanda öhdəliklərin məcmusu nəzərdə tutulur. Ümumi mülkiyyət sayılmayan əmlak dedikdə isə nikahdan əvvəl, yaxud da nikah dövründə əvəzsiz əqdlərlə - hədiyyə, vəsiyyətnamə, vərəsəliklə və s. qaydada əldə edilən əmlak sayılır. Bu isə ər-arvadın hər birinin ayrıca əmlakıdır.

Z. Əliyevin sözlərinə görə, bəzi istisna hal var ki, məsələn, əmlak nikah dövründə əvəzli şəkildə əldə edilir, amma tərəflərdən biri əgər sübuta yetirə bilirsə ki, bu əmlak onun nikahdan əvvəl əldə etdiyi fərdi əmlakının satışı nəticəsində əldə edilmiş pul vəsaiti hesabına alınıb, belə olan halda bu əmlak da ayrıca əmlak sayılır.

Milli.Az
Xəbərlərimizi WhatsApp kanalımızdan da oxuyun