Cəmiyyət

30 yaşlı kişini döyüb öldürdülər

30 Yanvar 2024 16:46

Baxış: 1 228

VTB-də minimal faiz dərəcəsi ilə nağd kredit 10.49%-dən

#HADİSƏ #KRİMİNAL #QƏTL #CİNAYƏT

Masallıda 30 yaşlı döyülərək öldürülüb.

Milli.Az xəbər verir ki, bu barədə rayon prokurorluğu məlumat yayıb.

Məlumatda deyilir ki, yanvarın 27-də Masallı rayonu Musaküçə kənd sakini 30 yaşlı Elnur Məmmədovun ölməsi barədə prokurorluğa məlumat daxil olub.

İlkin araşdırma zamanı 28 yaşlı Nurlan Nuriyevin yanvarın 21-də aralarında yaranmış mübahisə zamanı həmkəndlisi Elnur Məmmədovun baş və bədəninin müxtəlif nahiyələrinə yumruq və təpiklə çoxsaylı xəsartələr yetirməsi nəticəsində sonuncunun müalicə aldığı xəstəxanada ölməsinə əsaslı şübhələr müəyyən edilib.

Faktla bağlı Masallı rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsilə cinayət işi başlanıb, Nurlan Nuriyev qeyd olunan maddə ilə təqsirləndirilən şəxs qismində cəlb edilərək barəsində məhkəmənin qərarı əsasında həbs qətimkan tədbiri seçilib.

Milli.Az
Xəbərlərimizi WhatsApp kanalımızdan da oxuyun