"Azərbaycan Uşaqları" İctimai Birliyinin sığınacağında qızılcaya yoluxan 18 uşaq 1 saylı Uşaq Yoluxucu Xəstəliklər Xəstəxanasına yerləşdirilib.
Bu barədə Milli.Az-a TƏBİB-dən məlumat verilib.
Bildirilib ki, onlardan 8-i dekabrın 5-də sağalaraq xəstəxanadan buraxılıb.
"10 uşağın müalicəsi isə hazırda 1 saylı Uşaq Yoluxucu Xəstəliklər Xəstəxanasında davam etdirilir. Vəziyyətləri stabildir", - məlumatda qeyd edilib.
---------
13:33
Azərbaycan Uşaqları İctimai Birliyinin rəhbəri Kəmalə Ağazadə sığınacaqdakı qızılcaya yoluxma mıəsələsinə münasibət bildirib.
O, Trend-ə açıqlamasında yoluxanlar arasında əməkdaşların da olduğunu deyib.
"Qızılca xəstəliyi ilə əlaqədar xəstəxanaya yerləşdirilmiş uşaqlarımızın sayı çoxdur. Əksəriyyəti də 5 yaşadək olan körpələrdir. Əməkdaşlarımızın 2 nəfəri hazırda xəstəxanadadır", - K.Ağazadə qeyd edib.
--------
11:27
Azərbaycan Uşaqları İctimai Birliyinin Bakıda yerləşən sığınacaqda qalan 40 uşaq qızılcaya yoluxub.
Milli.Az bildirir ki, bunu "Report"a açıqlamasında təşkilatın sədri Kəmalə Ağazadə deyib.
O qeyd edib ki, həmin uşaqlardan 20-si xəstəxanaya yerləşdirilib.
Milli.Az
Xəbərlərimizi WhatsApp kanalımızdan da oxuyun