Cəmiyyət

Şəmsi Səmədzadə azadlıqda - FOTO

28 May 2022 14:15
Baxış: 3 074
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Əfv sərəncamının icrası Ədliyyə Nazirliyi Penitensiar xidmətinin Qobustan Həbsxanasında da davam etdirilib.

Milli.Az Trend-ə istinadən xəbər verir ki, sərəncam bu həbsxanada saxlanılan məhkumlardan 2 nəfərə şamil olunub.

Onlardan biri 23 il həbsxana həyatı yaşayan ömürlük məhkum, iş adamı Şəmsi Səmədzadədir. 90-cı illərdə Azərbaycanda tanınmış bir sahibkar olan Şəmsi Səmədzadə Ağır Cinayətlərə Dair İşlər üzrə Azərbaycan Respublikası Məhkəməsinin 2000-ci il 29 dekabr tarixli hökmü ilə ömürlük azadlıqdan məhrum edilmişdi.

Bundan başqa, həbsxanada daha bir məhkuma əfv sənədi verilib. Müddətli cəza almış məhkum Nurəddin Mustafayev həbsxanadan azadlığa buraxılıb.

Pentensiar xidmətin rəis müavini Oqtay Məmmədov bildirib ki, əfv sərəncamına əsasən 168 nəfər həbsdən dərhal azad edilib, 30 nəfərin cəzası aşağı salınıb.

Ombudsman Səbinə Əliyeva deyib ki, Prezidentin sayca 68-inci əfv sərəncamı ilə ilk dəfədir ki, ömürlük cəza çəkən şəxs dərhal azad edilir. Bundan əvvəl də ömürlük cəza çəkənlər əfv olunub, amma onların cəzası yarıbayarıya aşağı salınıb, amma indi ilk dəfədir ki, ömürlük məhkum həbsdən dərhal azad edilir. Buna görə də məhkumu və ailəsini təbrik edirəm".

Daha sonra tədbirdə çıxış edən ictimaiyyət nümayəndələri, hüquq müdafiəçiləri əfv sərəncamının icrasını alqışlayıblar. Əfv olunan Şəmsi Səmədzadə və digər məhkumu, onların ailə üzvlərini təbrik ediblər.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.