Cəmiyyət

Peşə məktəblərində ödənişli oxuyanlara da təqaüd veriləcək - VİDEO

20 Aprel 2022 20:12

0 Şərh Baxış: 1 076

VTB-də minimal faiz dərəcəsi ilə nağd kredit 10.49%-dən

#VİDEO

Azərbaycanın peşə məktəblərində ödənişli əsaslarla təhsil alanlara da təqaüd veriləcək.

Milli.Az Xəzər TV-yə istinadən xəbər verir ki, Milli Məclisin Elm və təhsil komitəsinin sədr müavini Musa Qasımlı bildirib ki, bu, "Peşə təhsili haqqında" qanunda edilən dəyişikliklərdə öz əksini tapıb.

Onun sözlərinə görə, dəyişiklik ölkə başçısının "Doktorantlara, ali təhsil, orta ixtisas və peşə təhsili müəssisələrində, həmçinin Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında" Sərəncamına uyğun hazırlanıb.

Millət vəkili qeyd edib ki, peşə məktəblərində oxuyanlara təqaüd semestrin sonunda imtahanların nəticəsinə uyğun olaraq təyin olunacaq.

Musa Qasımlı hesab edir ki, yenilik peşə təhsilinə marağı daha da artıracaq.

Millət vəkili əlavə edib ki, qanun layihəsi Milli Məclisin plenar iclasına tövsiyə edilib.

Mövzu ilə bağlı daha ətraflı videomaterialı təqdim edirik:

Milli.Az