Ailənin son anları - görüntülərdən çox şey məlum olur - VİDEO

Almaniyadan tətil üçün gəldikləri İstanbulda zəhərlənmə şübhəsi ilə həyatını itirən Böcək ailəsinin son görüntüləri üzə çıxıb. Ailənin xəstəxanaya gedərkən taksidə çəkilən görüntülərdə ana və uşaqların demək olar ki, huşsuz vəziyyətdə olduqları görünür.

Milli.Az xəbər verir ki, ailənin dörd üzvü - Servet və Çiğdem Böcək, 6 yaşlı Kadir Muhammet və 3 yaşlı Masal Fatihdə qaldıqları oteldə zəhərlənmə şübhəsi ilə həyatını itirib.

Ailənin taksi ilə xəstəxanaya aparıldığı anlara aid görüntülər üzə çıxıb.

Videoda ana və uşaqların halsız olduğu, uşaqlardan birinin anasının tutduğu paketə qusduğu görünür.

Taksinin sürücüsü Sercan Tanrıverdi hadisə anını təfərrüatı ilə danışıb.

Hadisə 12 noyabrda oteldə baş verib. İstanbulda tətil edən Böcək ailəsinin gecə saatlarında vəziyyəti pisləşib. Xəstəxanaya çatdırılan Masal Böcək daha sonra qardaşı Kadir dünyasını dəyişib. Ana Çiğdem Böcək isə iki gün sonra xəstəxanada vəfat edib. Ailənin son sağ qalan üzvü olan ata Servet Böcək də dünən həyatını itirib.

Taksici Sercan Tanrıverdi həmin günü belə nəql edir:

"12 noyabr saat 11:19-da bir ailə maşınımın qabağına qaçdı. Təcili ən yaxın xəstəxanəyə aparmağımı istədilər."

"Ailə çox həyəcanlı idi. Ata deyəsən yeməkdən zəhələnmişik, bizi tez xəstəxanəyə çatdır' dedi."

"Kiçik qız yol boyu dayanmadan qusurdu. Verdiyim paketə qusdu. Hətta qan qarışıq qusma var idi."

"Ana huşsuz idi, başını sağ arxa şüşəyə söykəmişdi, özünü çox pis hiss edirdi."

"Ata dəfələrlə 'Nə vaxt Türkiyəyə gəlsəm bir hadisə baş verir, keçən il də motosiklet qəzasi keçirmişdim' deyirdi."

Tanrıverdi daha sonra bunları əlavə edib:

"Onları ən yaxın xəstəxanəyə çatdırdım. Taksi pulunu almaq istəmədim, 'qızınıza hədiyyəmiz olsun' dedim, amma ata qoymadı."

"Səhəri gün xəbərləri görəndə şok oldum. 'Bu ailəni dünən mən aparmışdım' dedim."

Hadisə ilə bağlı istintaq davam edir.

Lalə Qüdrətova
Milli.Az