Cəmiyyət

Məktəbdə daha bir rəzalət: Direktor rüşvət verməyən müəllimi otaqdan qovdu - VİDEO

27 Yanvar 2022 12:24
3 Şərh     Baxış: 3 578

Azərbaycanda məktəb direktorunun müəllimdən rüşvət istəməsinə dair səs yazısı yayılıb.

Milli.Az lent.az-a istinadən xəbər verir ki, söhbət Ağstafa rayonu Aşağı Kəsəmən tam orta məktəbinin direktoru Mətanət Məmmədovadan gedir. Səs yazısına əsasən, direktor məktəbin müəllimi Vüsalə Məmmədovadan əlavə dərs saatları müqabilində hər ay ona pul verməsini tələb edir. V. Məmmədova isə imkanı olmadığını deyərək, pulu verə bilməyəcəyini bildirir.

Bundan sonra, direktor həmin müəllimi otaqdan qovur və bu barədə hardasa danışacağı təqdirdə onu cəzalandıracağı ilə hədələyir.

Şikayətçi müəllim Vüsalə Məmmədova lent.az-a açıqlamasında yayılan səs yazısının ona məxsus olduğunu təsdiqləyib. O, bidlirib ki, direktor Mətanət Məmmədova özü də daxil olmaqla əksər müəllimlərdən əlavə dərs saatlarına görə 100 manat pul tələb edir.

Şikayətçi məsələ ilə bağlı rayon Təhsil Şöbəsinə və Təhsil Nazirliyinə şikayət etdiklərini bildirib.

İddiaya münasibət bildirmək üçün məktəb direktoru Mətanət Məmmədova ilə əlaqə saxlamaq mümkün olmadı.

Milli.Az

40 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    Meto hüquqşünas · 27 Yanvar 12:4630

    Guya başqa məktəb direktorları süddən çıxmış ağ qaşıqdı ? Hamsı bu gündədi, bütün idarələr bu gündədi.

    Cavab yaz
  • Anonim
    Fuad · 27 Yanvar 12:5600

    Belə hallar ölkənin təhsil sistemini, gələcəyini məhvə aparır. Təhsil nazirliyi ölkədəki bütün məktəblərdə belə hallara qarşı sərt mübarizə aparmalıdır. Müəllimdən pul almaq nə deməkdir?! Ayıb deyilmi?!

    Cavab yaz
  • Anonim
    Vüqar · 27 Yanvar 13:0430

    Görəsən Azərbaycanda elə bir sistem,dövlət orqanı varmı ki, orada rüşvət,korrupsiya olmasın.Bunun təhsili belə,tibbi belə,hüquq mühafizə orqanı belə.Vallah Asan Xidməti çıxmaq şərti ilə bütün dövlət strukturaları,orqanları korrupsiyaya bulaşıblar.Yalandan efirlərdə,mətbuatda nə qədər yalandan şəffaflıqdan danışılsada,yazılsada,açıq aydındır ki, korrupsiya baş alıb gedir

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics