Şou-biznes

Karantində keçirilən xınayaxdılar - VİDEO

8 İyun 2021 20:42
Baxış: 1 748
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Artıq bir ildən çoxdur ki, dünyanı cənginə alan koronovirus infeksiyasının qarşısının alınması məqsədilə toy, xına, ad günü, konsert - ümumilikdə çox insanların toplaşdığı məclislərə qadağa qoyulub. Bir neçə gündür sosial şəbəkədə kütləvi insanların yer aldığı məclislərlə bağlı paylaşımlar çoxalıb.

Milli.Az axşam.az-a istinadən xəbər verir ki,  çox sayda insanın maskasız yer aldığı konsert, açılış mərasimləri ilə yanaşı xına məclislərinin də görüntüləri müzakirələrə səbəb olub.

Belə ki, sənət adamları Bakıda keçirilən məclislərdən videolarını İnstaqram hesablarında yayımlamağa başlayıblar. Rəqqasə Fatimə Fətəliyeva bir neçə gün əvvəl yer aldığı xına məclisindən dayanmadan fotolar, videolar İnstaqram izləyiciləri ilə bölüşüb. Fatimə xına məclisinin həm dekorunu, həm də aparıcılığını etdiyini bildirib. İzləyicilərin əksəriyyəti isə sənətçiyə "Xına keçirirsiz, niyə cərimələmirlər" sualını ünvanlayıb.

Xına məclislərinə aparıcılıq edən Çinarə Əliyeva da Fatimədən geri qalmayıb. O, apardığı məclisin görüntülərini İnstaqramında paylaşıb. Aparıcı hətta gəlinlə görüntülərini yayımlayaraq, məkanın dekorasiyasını da ona həvalə etdikləri üçün təşəkkür edib.

Şairə, xına məclislərinin aparıcısı kimi tanınan Nazilə Səfərli də artıq sosial şəbəkədə elan yayımlayıb. Apardığı xına məclisindən video yerləşdirən Nazilə sifarişlər qəbul etdiyini də bildirib. Özünü tərifləyən şairə "Quyuya su tökməklə dolmaz. Gərək sözün bulaq kimi çağlasın. Tərifə ehtiyyac yoxdur. Göz önündəyik. Qərar sizindir, məclisinizdə səviyyəli xidmət istəsəniz buyurun müraciət edin" sözlərini yazıb.

Xatırladaq ki, sənət adamlarının əksəriyyəti gizli toy məclisləri keçirildiyi haqda açıqlamalar verimişdi. Hətta müğənni Elton Hüseynəliyev efirdə evdə keçirilən məclislərə getdiyini demişdi. Bir müddət əvvəl isə meyxanaçı Rəşad Daşlı qatıldığı məclisdə görüntülənmiş və karantin qaydalarını pozduğu üçün cəzalandırılmışdı.

Qeyd edək ki, son günlər pandemiya ilə bağlı qadağalarda yumşalmalar olsa da, toyların, el şənliklərinin keçirilməsi haqda qadağa hələ də qüvvədədir. Deputatların əksəriyyəti -Qənirə Paşayeva, Sabir Rüstəmxanlı, Fazil Mustafa, Naqif Həmzəyev açıq havada toyların keçirilməsinə icazə verilməsi ilə bağlı müraciət edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.