Şou-biznes

Azərbaycanın ən yaraşıqlı kişisi: “Toy etmək üçün büdcəmə uyğun restoran tapa bilmirəm” - FOTO

28 May 2020 11:19
Baxış: 3 329
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Toyum apreldə olacaqdı, ölkədə karantin rejimi tədbiq edildiyindən xeyir işim baş tutmadı".

Milli.Az xəbər verir ki, bu sözləri oxu.az-a 2006-ci ildə "Best model of Azerbaijan" və 2007-ci ildə Türkiyənin İstanbul şəhərində keçirilən "Best model of the World" gözəllik və model müsabiqələrinin qalibi Rüstəm Cəbrayılov deyib.

 

33 yaşlı Azərbaycanın ən yaraşıqlı kişisi karantindən sonra toy edəcəyini bildirib:

"Karantindən sonra ən birinci işim evlənmək olacaq. Restoranların qiymətləri isə "dəvənin belində".

Büdcəmə uyğun restoran tapmamışam, hələ də axtarıram. Tapan kimi hamınızı toyuma dəvət edəcəyəm. İşlərimin bu ərəfədə az olması, karantinin tətbiqi ziyanıma işlədi. Bu hadisələrə görə kefim heç yoxdur. İşlərim yolunda getmədi".

Yaraşığı və xarizması ilə əks cinsin nümayəndələrinin ağlını başından alan R.Cəbrayılov ailə həyatı qurandan sonra bir müddət Hövsanda ata evində yaşayacağını dilə gətirib:

"Hövsan qəsəbəsində atamın evi var. Gələcəkdə şəhərdə ipoteka ilə ev almaq istəyirəm. Lakin indi büdcəm buna imkan vermir".

Qeyd edək ki, R.Cəbrayılov ötən ilin dekabr ayında nişanlandığını bildirərək, sevib-seçdiyi yarı ilə birgə çəkilmiş "love story" fotosessiyasını sosial media hesabında paylaşmışdı.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.