Şou-biznes

"Musiqi müharibədə silaha çevrilib" - FOTO

27 Sentyabr 2023 18:58

Baxış: 1 031

#ŞOU-BİZNES #UKRAYNA #EUROVİSİON #MÜĞƏNNİ #ŞOU

Ukraynalı müğənni, 2004-cü il "Avroviziya" müsabiqəsində qalib olan Ruslana İstanbuldakı çıxışından fotolar yayımlayaraq, Ukrayna-Rusiya müharibəsindən yazıb.

Milli.Az axşam.az-a istinadən bildirir ki, ifaçı sənətçilərinin ölkəsinin Rusiya ilə müharibəsində möhkəm dayandıqlarını və musiqinin müharibədə "silah" kimi olduğunu bildirib. Ruslana türk xalqına və Qara dənizdəki qardaş ölkələrinə dəstəyə görə təşəkkür edib:

"Ukrayna xalqı hazırda simfonik orkestrə bənzəyir. Onlar yalnız dirijordan göstəriş gözləyirlər və bu dirijor onların ürəyidir. Musiqi müharibədə silaha çevrilib. Konsertlər təhlükəsizlik baxımından qadağan edilsə də, humanitar səbəblərdən təşkil olunan bəzi konsertlərdə iştirak etmişəm.

Sənətçi olaraq dünyaya güclü mesaj verməliyik. Mənim üçün əsl önəmli olan azadlıqdır.

İstanbulda Ukrayna Baş Konsulluğunun Rəsmi Qəbulunda çıxışım zamanı səmimi və xeyirxah türk qəlbini gördüm. Bəli, biz güclüyük! Biz dayanacağıq! Ancaq birlikdə daha asandır!

Yaxın dostluqda nəinki aqressiya və ədalətsizliyə qalib gələ bilərsiniz. Ölkələrimiz sıx dostluqda daha da güc və inam qazanır.

Bunlar siyasi şüarlar və çağırışlar deyil, siyasətçinin, məmurun, bürokratın deyil, bir musiqiçinin, müğənninin, hərbçinin deyil, musiqi qələbəsinin sahibinin səmimi sözləri idi.

İndi ölkəmdə həyəcan siqnalının səsi musiqidən daha güclüdür. Amma əyilməz ruhumuzu nümayiş etdirərək musiqi yazmağa davam edirəm".

Milli.Az