Sağlam qida

Çia toxumunun faydaları

24 May 2026 02:02

Baxış: 299

VTB-də minimal faiz dərəcəsi ilə nağd kredit 9.9%-dən

#SAĞLAM QİDA

Çia toxumu qida dəyəri baxımından zəngin məhsullar arasındadır.

Milli.Az xəbər verir ki, yüksək lif və protein tərkibinə malik olan bu toxum daha uzun müddət toxluq hissi yaradır, bağırsaq və ürək sağlamlığını dəstəkləyir.

Bildirilir ki, 2017-ci ildə aparılan araşdırmada çia toxumu istifadə edən şəxslərin gündəlik kalori qəbulunun 25 faiz azaldığı müəyyən olunub.

Mütəxəssislər həmçinin qeyd edirlər ki, çia toxumu bağırsaq sağlamlığını dəstəkləyir və həzm sistemində faydalı bakteriyaların qidalanmasına kömək edir. Su və ya süd içində saxlanıldıqda isə həzmi daha da asanlaşır.

Araşdırmalara əsasən, çia toxumunun tərkibində olan bitki mənşəli "Omeqa-3" yağ turşusu "ALA" iltihabı azaltmağa, trigliserid səviyyəsini aşağı salmağa və qan təzyiqini tənzimləməyə kömək edə bilər.

Bundan başqa, çia toxumunun tərkibində xlorogen turşu, kuersetin və kaempferol kimi güclü antioksidantlar da mövcuddur. Alimlər bu maddələrin yaşlanma əleyhinə və ürək sağlamlığını dəstəkləyən təsirlərə malik olduğunu bildirirlər.

Mütəxəssislər qeyd edirlər ki, çia toxumunda olan "Omeqa-3" yağ turşuları qadınların hormonal sağlamlığına da müsbət təsir göstərə bilər.

Mina Mikayılova
Milli.Az