Rusiya

Lənkəranskinin yaxını olan "qanuni oğru" beynəlxalq axtarışa verilir - FOTO

14 İyun 2025 12:14

Baxış: 2 735

VTB-də minimal faiz dərəcəsi ilə nağd kredit 9.9%-dən

#KRİMİNAL #RUSİYA #CİNAYƏT #İNTERPOLDA AXTARIŞDA OLANLAR

Rusiya Daxili İşlər Nazirliyinin Cinayət Axtarış Baş İdarəsi cinayət iyerarxiyasında yüksək vəzifə tutduğu üçün "qanuni oğru" Merab Canqveladzeyə qarşı cinayət işi açıb.

Milli.Az xəbər verir ki, Merab üçün "qara zolaq" mart ayında onu himayə edən, ona dəstək olan və düşmənlərini dəhşətə gətirən kiçik qardaşı Levanın Tbilisidə öldürülməsi ilə başlayıb. Ekspertlər deyirdi ki, Merab belə bir zərbədən heç vaxt özünə gəlməyəcək. Hər halda, necə deyərlər, artıq ona uyğun olmayan rəqibləri bunun baş verməməsi üçün hər şeyi edəcəklər.

Cəmi iki aydan sonra Merab 30-a yaxın tərəfdarını toplayıb və Levanın qətlində iştirak edənlərin hamısının öldürülməsini elan edib. Digər "oğru"lar arasında bu xəbər skeptisizmlə qarşılanıb.

Yaxın vaxtlarda Canqveladze beynəlxalq axtarışa veriləcək. Merabın daimi yaşadığı İtaliya hakimiyyətinin onu ekstradisiya etməsi ehtimalı azdır, amma realdır. Birincisi, Canqveladzenin İtaliya vətəndaşlığı yoxdur, ikincisi, İtaliya Rusiya Daxili İşlər Nazirliyinin xətti ilə konstruktiv dialoqun qurulduğu azsaylı ölkələrdən biridir.

Qeyd edək ki, Merab və Levan Canqveladze qardaşları mərhum azərbaycanlı kriminal lider Rövşən Lənkəranskinin yaxın adamları olublar. Lakin onlar "Ded Xasan"ın qətlindən sonra Lənkəranskiyə dönük çıxıblar. Hətta iddialara görə, Levan Moskva bazarlarına nəzarət uğrunda Lənkəranskini bıçaqlayıb. /Lent.az

Milli.Az