Rusiya

Rusiyanın itkiləri: Şok rəqəmlər açıqlandı

15 Sentyabr 2022 11:20

Baxış: 1 726

VTB-də minimal faiz dərəcəsi ilə nağd kredit 10.49%-dən

#RUSİYA-UKRAYNA MÜHARİBƏSİ

Rusiya Maliyyə Nazirliyi Ukraynaya müdaxiləyə görə Qərb ölkələrinin tətbiq etdiyi sanksiyalar nəticəsində ölkənin maliyyə sektoru üçün birbaşa itkiləri hesablayıb.

Milli.Az axar.az-a istinadən xəbər verir ki, bu barədə "Blumberq" Rusiya Maliyyə Nazirliyinin daxili sənədinə istinadən yazıb.

Qeyd edilib ki, Rusiyanın maliyyə sektoru ABŞ və müttəfiqlərinin tətbiq etdiyi geniş sanksiyalardan yüz milyardlarla dollar birbaşa itkiyə məruz qalıb.

Fond bazarına ciddi zərbələr, bank kapitalı və sanksiyalarla dondurulmuş 300 milyard dollar valyuta ehtiyatını ehtiva edən sənəd keçən ay Rusiyanın yüksək səviyyəli rəsmilərinin iclasına təqdim edilib.

Rusiyanın rəhbərliyi sanksiyalar nəticəsində itkisini bu cür dəyərləndirib:

- 40% bazar kapitallaşması;

- Rusiya Federasiyası Mərkəzi Bankının 300 milyard dollar ehtiyatı;

- dondurulmuş avrobondlar şəklində 4,6 trilyon rubl;

- bank sisteminin kapitalının 10%-i;

- 563 milyard rubl dondurulmuş pərakəndə aktivlər, habelə depozitarlarda saxlanılan aktivlər.

Milli.Az