Siyasət

Türkiyə II Qarabağ müharibəsinin taktikasını təkrarlayacaq? - General danışdı - ÖZƏL

25 Fevral 2021 12:41

Baxış: 2 381

#SİYASƏT #TÜRKİYƏ

ABŞ-ın PKK-nın Suriya qolu olan PYD-yə "AVENGER" hava hücumundan müdafiə sistemi göndərdiyi məlumatları durmadan artır. Bu barədə xəbərlərə Türkiyə mətbuatında da rast gəlinir. Türkiyə Silahlı Qüvvələrinin (TSK) İraqın şimalında yerləşən Qara bölgəsində PKK terrorçularına qarşı başlatdığı "Pençe Kartal-2" əməliyyatı başa çatsa da qardaş ölkənin Suriyada da belə əməliyyatlar aparacağı gözlənilir.

Türkiyənin general-mayoru Osman Qazi Kandemir ABŞ-ın PYD-ni silahlandırması ilə bağlı xəbəri Milli.Az üçün şərh edib:

"Bu, yeni bir mövzu deyil. Əslində, ABŞ neft quyularını qoruyan əsgərləri üçün əvvəl də "AVENGER" göndərmişdi. Məqsəd pilotsuz uçuş aparatlarının hücumlarına qarşı quru qoşunlarını qorumaq idi.

Mənim də qarşıma ABŞ mediasından iki gün öncə bir xəbər çıxdı. Bunlar stinger silahının zirehli avtomobilə montaj edilmiş və radar əlavə olunmuş növüdür. S-300 kimi silahlarla müqayisə edilmir, qısa mənzilli sistemlərdir. Qısa mənzil olduğu üçün PYD-yə göndərilən "AVENGER"lərin sayının çox olduğu ehtimalları var.

Onların məhv edilməsi II Qarabağ Müharibəsi zamanı Ermənistanın Hava hücumundan Müdafiə Sisteminin məhvi kimi olmayacaq. Qarabağda bir növ hibrid savaşı getdi, AN-2 təyyarələri, İHA (Pilotsuz uçuş aparatı) və SİHA-dan (Silahı pilotsuz uçuş aparatı) istifadə edildi. Burada isə bunlar gözlənilmir".

Təhməz Əsədov
Milli.Az