Siyasət

Avstraliya hökuməti Azərbaycanın ərazi bütövlüyünü dəstəkləyir

18 Noyabr 2020 13:18
Baxış: 356

Avstraliyanın Azərbaycanın ərazi bütövlüyünü dəstəkləyən və Dağlıq Qarabağı müstəqil dövlət kimi tanımayan uzunmüddətli dövlət siyasəti var.

Diasporla İş üzrə Dövlət Komitəsindən Milli.Az-a verilən məlumata görə, bu fikir Avstraliya Xarici İşlər Nazirliyinin Avstraliya-Azərbaycan-Türk Dostluq Birliyinin sədri İmaməddin Qasımova ünvanladığı cavab məktubunda bildirilib.

Məktubda qeyd edilib ki, Azərbaycan-Ermənistan münaqişəsi ilə bağlı Avstraliya ATƏT-in Minsk qrupunun səylərini dəstəkləyir və müdaxilə etməyə çalışmır:

"Münaqişə hərbi yolla deyil, tərəflər arasında danışıqlar vasitəsi ilə həll olunmalıdır. Xarici İşlər Nazirinin 1 oktyabr açıqlamasında "mübahisəli ərazilərdən" bəhs etməsi münaqişənin özünə istinad edir və Avstraliyanın mövqeyində hər hansı dəyişikliyi əks etdirmir".

Qeyd edək, 2 oktyabr 2020-ci il tarixində İmaməddin Qasımov Azərbaycanın haqlı mövqeyinin müdafiə olunması və ərazi bütövlüyünün tanınması ilə bağlı Avstraliya hökumətinə müraciət edib.

Milli.Az

 

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.