Siyasət

Gürcü ekspert: "Beynəlxalq ictimaiyyət Bakını tam dəstəkləyir"

30 Sentyabr 2020 09:23
Baxış: 1 050

Gürcüstan Dağlıq Qarabağ münaqişəsi ilə bağlı iki mövqeyə malikdir və birincisi ondan ibarətdir ki, ictimai baxımdan Gürcüstan tamamilə Azərbaycan tərəfini dəstəkləyir.

Milli.Az bildirir ki, bunu Trend-ə gürcüstanlı ekspert, professor Omar Ardaşeliya deyib.

O bildirib ki, siyasi baxımdan da Gürcüstan Azərbaycanı dəstəkləyir:

"Amma bu ölkənin rəsmi şəxsləri Azərbaycanı və Ermənistanı hərbi əməliyyatları dayandırmağa və danışıqlar masasına oturmağa çağırır. Fikrimcə, bu baxımdan Gürcüstan neytrallığını qoruyur".

Ekspert bildirib ki, neytrallıq özü də mövqedir:

"Gürcüstan tərəfi çalışacaq ki, tərəflər öz səylərini hərbi əməliyyat müstəvisindən sülh danışıqları müstəvisinə keçirsin və bunun üçün əlindən gələni edəcək".

O əlavə edib ki, Ermənistan danışıqlar masasına oturmağa məcbur olacaq:

"Bu gün Azərbaycan maksimum üstünlüyə malikdir, çünki beynəlxalq ictimaiyyət Bakını tam dəstəkləyir. Azərbaycan onilliklər ərzində münaqişəni danışıqlar yolu ilə həll etməyə çalışıb, amma Ermənistan müxtəlif bəhanələrlə bundan qaçıb və nəticədə hazırkı vəziyyət yaranıb".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.