Siyasət

Andorranın Baş naziri Bakıya gəlir

7 Aprel 2015 16:08
Baxış: 618
#SİYASƏT #MARTİ OTEL ISLETMELERİ A.S.

Andorranın baş naziri III Qlobal Açıq Cəmiyyətlər Forumunda iştirak edəcək

Diasporla İş üzrə Dövlət Komitəsinin mətbuat xidmətindən Trend-ə verilən məlumata görə, Andorranın baş naziri Antoni Marti aprelin 27-30-da Bakıda təşkil ediləcək III Qlobal Açıq Cəmiyyətlər Forumunda iştirak etmək üçün Azərbaycana gələcək. Antoni Marti Diasporla İş üzrə Dövlət Komitəsinin dəstəyi ilə Nizami Gəncəvi Beynəlxalq Mərkəzi tərəfindən təşkil edilən Forum çərçivəsində qlobal problemlərin müzakirəsinə qatılacaq və bir sıra görüşlər keçirəcək.

Qeyd edək ki, Nizami Gəncəvi Beynəlxalq Mərkəzi Andorra hökuməti ilə sıx əməkdaşlıq edir. Belə ki, III Qlobal Müştərək Cəmiyyətlər Forumuna hazırlıq məqsədilə 2014-cü ilin sentyabr ayında Andorranın paytaxtı Andorra La Vella şəhərində "Avropada etimadın bərpa olunması" mövzusunda beynəlxalq konfrans və Nizami Gəncəvi Beynəlxalq Mərkəzi İdarə Heyətinin VII toplantısı keçirilib. Toplantıda Mərkəzin həmsədrləri və üzvləri ilə yanaşı, Andorra Parlamentinin sədri Visenç Mateu, Andorranın sabiq hökumət başçısı Oskar Ribas da iştirak ediblər.

Xatırladaq ki, "Yeni dünya düzənində etimadın bərpası" mövzusuna həsr edilən III Qlobal Açıq Cəmiyyətlər Forumunda regiondakı münaqişəli məsələlər, enerji təhlükəsizliyi, dinlərarası dialoq, sülhün qorunmasında qadınların rolu kimi bir sıra məsələlərlə bağlı fikir mübadilə aparacaqlar.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.